លោក ស៊ី ជីនភីង

ប្រធានាធិបតីចិន នឹងមកបំពេញទស្សនកិច្ចនៅកម្ពុជា និងប្រទេសអាស៊ានពីរផ្សេងទៀត


ប្រភពការទូត បានទម្លាយឱ្យដឹងថា ប្រធានាធិបតីចិន លោក ស៊ី ជីនភីង នឹងមកបំពេញទស្សនកិច្ចប្រទេសចំនួន៣ នៅអាស៊ាន រួមមានប្រទេសវៀតណាម ម៉ាឡេស៊ី និងកម្ពុជា នៅអំឡុងពាក់កណ្ដាលខែមេសា នេះ ដើម្បីរឹតចំណងទំនាក់ទំនង ស្របពេលមានការព្រួយបារម្ភទូទាំងតំបន់ពីគោលនយោបាយការបរទេសដ៏ចម្រូងចម្រាសរបស់សហរដ្ឋអាម៉េរិក ក្រោមការដឹកនាំរបស់រដ្ឋបាលលោក ដូណាល់ ត្រាំ។ នេះបើយោងតាមការចុះផ្សាយរបស់សារព័ត៌មាន South China Morning Post។
លោក ស៊ី ជីនភីង
ដោយ

ប្រភពការទូត បានទម្លាយឱ្យដឹងថា ប្រធានាធិបតីចិន លោក ស៊ី ជីនភីង នឹងមកបំពេញទស្សនកិច្ចប្រទេសចំនួន៣ ក្នុងតំបន់អាស៊ាន រួមមានប្រទេសវៀតណាម ម៉ាឡេស៊ី និងកម្ពុជា នៅអំឡុងពាក់​កណ្ដាលខែមេសា នេះ។ ប្រភពមួយដែលបាននិយាយក្នុងលក្ខខណ្ឌមិនបញ្ចេញឈ្មោះបានទម្លាយឱ្យដឹងថាលោក ស៊ី ជីនភីង គ្រោងបំពេញទស្សនកិច្ចរយៈពេល៣ថ្ងៃ នៅក្នុងប្រទេសម៉ាឡេស៊ី។

ប្រភពការទូតមួយទៀតដែលសុំមិនបញ្ចេញឈ្មោះដូចគ្នាបាននិយាយថា ដំណើរទស្សនកិច្ចរបស់លោកទៅកាន់ប្រទេសម៉ាឡេស៊ី នឹងជួយពង្រឹងបន្ថែមពីលើជំនួបផ្លែផ្ការបស់លោក ស៊ី ជីនភីង កាលពីអំឡុងខែវិច្ឆិកា នៅក្នុងទីក្រុងប៉េកាំង ជាមួយនាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម។ ប្រភពដដែលបានបន្ថែមថា ដំណើរទស្សនកិច្ចដែលបានគ្រោងទុកនេះ គឺពិតជាល្អណាស់សម្រាប់ពង្រឹងទំនាក់ទំនងទ្វេភាគី។

ដំណើរទស្សនកិច្ចរបស់លោក ស៊ី ជីនភីង មកកាន់តំបន់អាស៊ាននេះ ជាដំណើរទស្សនកិច្ចក្រៅប្រទេសលើកដំបូងរបស់លោកសម្រាប់ឆ្នាំ២០២៥ នេះ ហើយកើតមានឡើងក្នុងពេលដែលប្រទេសចិន មានបំណងរឹតទំនាក់ទំនងជាមួយបណ្ដាប្រទេសជិតខាង និងលើកកម្ពស់មុខមាត់ប្រទេសចិន ក្នុងនាមជាប្រទេសដៃគូក្នុងតំបន់ដ៏គួរឱ្យទុកចិត្ត និងមានការទទួលខុសត្រូវ។

គម្រោងដំណើរទស្សនកិច្ចនេះ ក៏កើតឡើងស្របពេលមានការព្រួយបារម្ភកាន់តែខ្លាំងឡើងចំពោះការប្តេជ្ញាចិត្តរបស់ក្រុងវ៉ាស៊ីនតោន ចំពោះតំបន់ ជាពិសេសនៅពេលដែលលោក ដូណាល់ ត្រាំ បានបង្ហាញមន្ទិល និងចោទសួរពីតម្លៃនៃសម្ពន្ធភាព និងភាពជាដៃគូជាប្រវត្តិសាស្ត្ររបស់ខ្លួនជាមួយតំបន់។

សូមបញ្ជាក់ថា ស្របពេលប្រទេសចិន មានទំនាក់ទំនងពាណិជ្ជកម្មរឹងមាំជាមួយតំបន់ មហាយក្សចិន ក៏មានជម្លោះដែនទឹកជាយូរមកហើយជាមួយប្រទេសមួយចំនួនផងដែរ រួមទាំងម៉ាឡេស៊ី ហ្វីលីពីន វៀតណាម និងព្រុយណេ ទាក់ទងនឹងការទាមទារតំបន់ត្រួតស៊ីគ្នានៅសមុទ្រចិន ខាងត្បូង៕

ដោយ: តែម សុខុម




អត្ថបទបន្ទាប់


កំពូលមហាសេដ្ឋី Elon Musk នឹងបញ្ចប់យុទ្ធនាការកាត់បន្ថយចំណាយរបស់រដ្ឋាភិបាលអាម៉េរិក ឱ្យបាន១ទ្រីលានដុល្លារ ក្នុងពេលឆាប់ៗនេះ

កំពូលមហាសេដ្ឋី Elon Musk ដែលត្រូវបានប្រធានាធិបតីអាម៉េរិក លោក ដូណាល់ ត្រាំ ជ្រើសតាំងឱ្យដឹកនាំនាយកដ្ឋានប្រសិទ្ធភាពរដ្ឋាភិបាលអាម៉េរិក (DO…

ធនាគារ Goldman Sachs ព្រមានថា វិធានការពន្ធរបស់លោក ត្រាំ នឹងរុញឱ្យអតិផរណាកើនឡើង និងបង្កើនហានិភ័យក្នុងការធ្លាក់ចូលវិបត្តិសេដ្ឋកិច្ច

ស្របពេលប្រធានាធិបតីអាម៉េរិក លោក ដូណាល់ ត្រាំ នឹងប្រកាសពីផែនការដំឡើងពន្ធគយជុំចុងក្រោយនៅសប្ដាហ៍នេះ ធនាគារ Goldman Sachs ដែលជាធនាគារវិ…
More

Related Stories


ផ្សេងទៀត


ច្រើនទៀត

ពេញនិយមបំផុត


ច្រើនទៀត

ថ្មីៗ