ទ្រព្យសម្បត្តិមហាសេដ្ឋីគ្រាក់ៗរបស់ថៃ ធ្លាក់ចុះ ១២% មកនៅត្រឹម ១៥៣ ពាន់លានដុល្លារ នៅឆ្នាំនេះ
នៅមិនដល់មួយឆ្នាំផង ក្រោយពេលលោក ស្រ៊ីថា ថាវីស៊ីន ចូលកាន់តំណែងជានាយករដ្ឋមន្ត្រី គេសង្កេតឃើញថា ទ្រព្យសម្បត្តិរបស់មហាសេដ្ឋីគ្រាក់ៗនៅប្រទេសថៃ ប…
គណៈកម្មាធិការគ្រប់គ្រង និងឃ្លាំមើលទ្រព្យសម្បត្តិរដ្ឋចិន (SASAC) បានទម្លាយឱ្យដឹងថា បណ្ដាក្រុមហ៊ុនសហគ្រាសរដ្ឋរបស់ចិន គ្រោងបោះទុនវិនិយោគក្នុងទំហំទឹកប្រាក់រហូតដល់ទៅ៤១៤ពាន់លានដុល្លារអាម៉េរិកឯណោះនៅក្នុងរយៈពេល៥ខាងឆ្នាំខាងមុខ។
គណៈកម្មាធិការគ្រប់គ្រង និងឃ្លាំមើលទ្រព្យសម្បត្តិរដ្ឋចិន (SASAC) ដែលនឹងទទួលបន្ទុកដឹកនាំគំនិតផ្ដួចផ្ដើមបោះទុនវិនយោគយ៉ាងច្រើនសម្បើមនេះ បានគូសបញ្ជាក់ថា ការបោះទុនវិនិយោគយ៉ាងសម្បើមនេះ គឺដើម្បីធ្វើទំនើបកម្មគ្រឿងចក្រ និងការផ្ដាស់ប្ដូរដោយងាកមកប្រើបច្ចេកវិទ្យាជាន់ខ្ពស់ដែលមានប្រសិទ្ធភាពជាងមុន មានសុវត្ថិភាពជាងមុន និងកាត់បន្ថយផលប៉ះពាល់ដល់បរិស្ថានតិចមុន។
គំនិតផ្ដួចផ្ដើមនេះ គឺដើម្បីធានាថា គ្រប់ក្រុមហ៊ុនសហគ្រាសចិនទាំងអស់ទទួលបានឱកាស និងការប្រកួតប្រជែងស្មើភាពគ្នា ហើយក៏ដើម្បីផ្ដោតការយកចិត្តទុកជាក់ជាពិសេសលើឧស្សាហកម្មជាយុទ្ធសាស្ត្រនានាដែលកំពុងរីកចម្រើនយ៉ាងឆាប់រហ័សផងដែរ។
លើសពីនេះទៀត រដ្ឋាភិបាលចិន នឹងផ្ដល់ការឧបត្ថម្ភធនដល់បណ្ដាក្រុមហ៊ុនសហគ្រាសរដ្ឋក្នុងទំហំរហូតដល់ទៅជាង៤១ពាន់លានដុល្លារអាម៉េរិកផងដែរ សម្រាប់ការធ្វើទំនើបកម្មឧបករណ៍ ឬគ្រឿងចក្រចាស់ៗ និងទំនិញប្រើប្រាស់ ដើម្បីធានាបាននូវការអភិវឌ្ឍប្រកបដោយគុណភាពខ្ពស់ សំដៅយកប្រៀបនៅក្នុងការប្រកួតប្រជែងលើទីផ្សារ៕
ដោយ: តែម សុខុម
None
