ថៃ កំពុងខិតខំបង្កើនការទាក់ទាញភ្ញៀវទេសចរ ក្រោយភ្ញៀវទេសចរចិន ធ្លាក់ចុះខ្លាំង
រដ្ឋាភិបាលរបស់លោកស្រី ផៃថងថាន ស៊ីណាវ៉ាត្រា នាយករដ្ឋមន្ត្រីថៃ កំពុងព្យាយាមបង្កភាពងាយស្រួល ដើម្បីទាក់ទាញភ្ញៀវទេសចរអន្តរជាតិ ជាពិសេសភ្ញៀវទេស…
ទីភ្នាក់ងារសារព័ត៌មានអេភី បានរាយការណ៍ថា ការបោះទុនជាង១៤ពាន់លានដុល្លាររបស់ក្រុមហ៊ុន Meta ជាការសម្រេចចិត្តរបស់លោក ម៉ាក ហ្សាក់ឃ័រប៊ឺក (Mark Zuckerberg) នាយកប្រតិបត្តិក្រុមហ៊ុន Meta ដើម្បីស្តារកិច្ចខិតខំប្រឹងប្រែងអភិវឌ្ឈន៍បញ្ញាសិប្បនិម្មិត ខណៈស្ថានការណ៍កាន់តែប្រឈមមុខខ្លាំងនឹងការប្រកួតប្រជែងដ៏ស្វិតស្វាញពីគូប្រជែងដូចជាក្រុមហ៊ុន Google និង OpenAI។
ក្រុមហ៊ុន Meta បានអះអាងថា ការចំណាយរបស់ខ្លួន គឺដើម្បីពង្រឹងភាពជាដៃគូយុទ្ធសាស្រ្តជាមួយក្រុមហ៊ុន AI Scale ខណៈក្រុមហ៊ុន AI Scale វិញបានប្រកាសថា ខ្លួននៅតែមានជំហរឯករាជ្យ ប៉ុន្តែការរួមហ៊ុន៤៩% របស់ Meta គឺជាការពង្រឹងទំនាក់ទំនង និងកិច្ចសហការក្នុងភាពជាដៃគូរវាងខ្លួន និង Meta។
មកទល់ពេលនេះ ក្រុមហ៊ុន Meta ក្រោមការគ្រប់គ្រងអាជីវកម្មដោយលោក ហ្សាក់ឃ័រប៊ឺក មានបំណងដាក់ចេញនូវកម្មវិធីមួយដែលជាគំនិតផ្តួចផ្តើមថ្មីដែលគេហៅថា គំនិតអរូបីនៃភាពវៃឆ្លាត ដើម្បីឈានមុខផ្នែកបច្ចេកវិទ្យា AI នៅលើបណ្តាញសង្គម។ បច្ចុប្បន្នក្រុមហ៊ុនបច្ចេកវិទ្យាយក្សធំៗរបស់សហរដ្ឋអាម៉េរិក ដែលរួមមាន Google, OpenAI, Meta, Microsoft ជាដើម បាន និងកំពុងផ្តោតលើបច្ចេកវិទ្យា AI ធ្វើជាកម្មវត្ថុនៃការប្រកួតប្រជែង៕
ដោយៈ សរ សុជាតិ
