អតីតកងទ័ពជើងទឹកអាម៉េរិកម្នាក់ត្រូវបានកាត់ទោសឱ្យជាប់ពន្ធនាគារ២០០ខែពីបទលក់ទិន្នន័យនាវាចម្បាំងឱ្យចារកម្មចិន

លោក ផាទ្រិក ដែលជាវិស្វករប្រចាំនាវាចម្បាំង យូអេសអេស អេសសិច (USS Essex) គឺជានាវិកម្នាក់ក្នុងចំណោមនាវិក២នាក់ ដែលប្រចាំការនៅមូលដ្ឋានក្នុងរដ្ឋកាលីហ្វ័រញ៉ា ដែលត្រូវបានចោទប្រកាន់កាលពីថ្ងៃទី៣ ខែសីហា ឆ្នាំ២០២៣ ពីបទផ្តល់ទិន្នន័យខាងយោធាដ៏សំខាន់ឱ្យទៅប្រទេសចិន។ ម្នាក់ទៀត គឺលោក ថូម៉ាស ចាវ (Thomas Zhao) ត្រូវបានកាត់ទោសឱ្យជាប់ពន្ធនាគារជាង២ឆ្នាំនៅឆ្នាំ២០២៤ បន្ទាប់ពីរូបគេបានសារភាពនៅក្នុងបទចោទសមគំនិត១ករណី និងបទទទួលសំណូកដែលរំលោភលើមុខនាទីរដ្ឋការរបស់លោក១ករណី។

មន្ត្រីអាម៉េរិក បានសម្តែងការព្រួយបារម្ភជាច្រើនឆ្នាំមកហើយ ពាក់ព័ន្ធនឹងការគំរាមកំហែងខាងចារកម្ម ដែលពួកគេនិយាយថា គឺរដ្ឋាភិបាលចិន ជាអ្នកបង្កឡើង ដោយនៅប៉ុន្មានឆ្នាំថ្មីៗនេះ មានការកាត់ក្ដីលើសំណុំរឿងព្រហ្មទណ្ឌប្រឆាំងនឹងភ្នាក់ងារចារកម្មរបស់ក្រុងប៉េកាំង ដែលបានលួចទិន្នន័យសំខាន់របស់រដ្ឋាភិបាល និងទិន្នន័យពាណិជ្ជកម្ម រួមទាំងការហ៊ែកចូលប្រព័ន្ធកុំព្យូទ័ររដ្ឋដោយខុសច្បាប់ទៀតផង៕

អត្ថបទៈ សួន ឡង់ទី​