តើមានសញ្ញាអ្វីខ្លះដែលបង្ហាញថា វិស័យអចលនទ្រព្យនៅកម្ពុជា កំពុងងើបចេញពីវិបត្តិនានា?
វិស័យអចលនទ្រព្យ គឺជាវិស័យមួយស្ថិតក្នុងចំណោមវិស័យជាច្រើន ដែលរងផលប៉ះពាល់ពីវិបត្តិនានា ជាហេតុធ្វើឱ្យវិស័យដែលធ្លាប់មានសក្ដានុពលខ្ពស់មួយនេះហ…
តម្លៃមាសបានឡើងដល់កម្រិតខ្ពស់បំផុតមិនធ្លាប់មានឈានដល់ប្រមាណ២.៥៩០ដុល្លារអាម៉េរិក ក្នុង១អោន ឬប្រមាណ៣.១៦០ដុល្លារអាម៉េរិក ក្នុង១តម្លឹង កាលពីថ្ងៃចន្ទ ទី១៦ ខែកញ្ញា ហើយការរហក់ឡើងនេះ ត្រូវបានជំរុញដោយការធ្លាក់ថ្លៃនៃប្រាក់ដុល្លារ ព្រមទាំងការរំពឹងទុកថា ធនាគារកណ្ដាលអាម៉េរិកនឹងបញ្ចុះអត្រាការប្រាក់នៅក្នុងសប្ដាហ៍នេះ។
យោងតាមសន្ទស្សន៍តាមដានការបញ្ចុះអត្រាការប្រាក់ដោយធនាគារកណ្ដាលអាម៉េរិក មានឈ្មោះថា CME FedWatch បង្ហាញថា ទីផ្សារទូទាំងពិភពលោក បានព្យាករថា មានឱកាស៣៣% ដែលធនាគារកណ្ដាលអាម៉េរិកនឹងបញ្ចុះអត្រាការប្រាក់ក្នុងរង្វង់០,២៥% ហើយមានឱកាស៦៧% ដែលធនាគារកណ្ដាលអាម៉េរិកនឹងបញ្ចុះអត្រាការប្រាក់ក្នុងរង្វង់០,៥០% នៅឯកិច្ចប្រជុំរបស់ធនាគារកណ្ដាលមួយនេះនៅថ្ងៃទី១៧-១៨ ខែកញ្ញា នេះ។
ងាកមកមើលហាងឆេងមាសនៅកម្ពុជា ឯណេះវិញ ឃើញថា កាលពីថ្ងៃចន្ទ ដើមសប្តាហ៍នេះ មាសបានហក់ឡើងថ្លៃឈានដល់៣.១១៥ដុល្លារអាម៉េរិក ក្នុង១តម្លឹង ដែលជាតម្លៃខ្ពស់បំផុតមិនធ្លាប់មានក្នុងប្រវត្តិសាស្ត្រតម្លៃមាសនៅកម្ពុជា។ នេះបើយោងតាមទំព័រហ្វេសប៊ុកតាមដានហាងឆេងមាសនៅក្នុងស្រុក។
ដោយឡែកនៅប្រទេសវៀតណាម តម្លៃមាសបានហក់ឡើងខ្លាំងជាងគេ ដោយគិតត្រឹមព្រឹកថ្ងៃអង្គារ ទី១៧ ខែកញ្ញា មាសបានហក់ឡើងថ្លៃរហូតដល់៣.៣៣៥ដុល្លារអាម៉េរិក ក្នុង១តម្លឹង ដែលជាការហក់ឡើងថ្លៃខ្ពស់បំផុតនៅក្នុងប្រទេសនេះ ចាប់តាំងពីដើមខែមិថុនា មក។ នេះបើយោងតាមការចុះផ្សាយរបស់សារព័ត៌មាន VN Express។
ទន្ទឹមនេះ យោងតាមការចុះផ្សាយរបស់គេហទំព័រតាមដានហាងឆេងមាសនៅប្រទេសថៃ ដែលមានឈ្មោះថា Goldnp បង្ហាញថា ហាងឆេងមាសនៅក្នុងប្រទេសថៃ នៅថ្ងៃអង្គារ ទី១៧ ខែកញ្ញា នេះ បានហក់ឡើងដល់២.៥៨៥ដុល្លារអាម៉េរិកក្នុង១អោន ឬ៣.១៥៣ដុល្លារអាម៉េរិក ក្នុង១តម្លឹង៕
ដោយ: តែម សុខុម
None
