អស្ចារ្យណាស់! បច្ចេកវិទ្យាថ្មី សាងសង់គ្រោងដំបូលដ៏រឹងមាំបានយ៉ាងឆាប់រហ័សដោយគ្មានការផ្សារ
គ្រោងដំបូលបោរ ឬដាបគឺជាបញ្ហាដំបូលទូទៅដែលបង្កឡើងពីការច្រែះតាមដំណផ្សារនៃគ្រោងដំបូល ប៉ះពាល់ទៅដល់ភាពរឹងមាំរបស់គ្រោង និងបង្កជាការលេចជ្រាបទឹ…
កាលពីខែវិច្ឆិកា កន្លងទៅ រដ្ឋាភិបាលប្រទេសឡាវ បានប្រកាសថា ខ្លួនបានផ្តល់សិទ្ធិដល់ក្រុមហ៊ុនចំនួន១៨ ដើម្បីរុករក និងជីកយករ៉ែប៉ូតាស្យូមក្លរីត នៅលើផ្ទៃដីទំហំជាង១៦ម៉ឺនហិកតា នៅតំបន់សម្បូររ៉ែជាច្រើនរួមទាំងផ្នែកខ្លះនៃរាជធានីវៀងចន្ទន៍ និងខេត្តពីរទៀត គឺខេត្តកាមួន និងខេត្តសាវ៉ានណាខេត។
រដ្ឋាភិបាលឡាវ បានឱ្យដឹងទៀតថា ទុនបម្រុងរ៉ែប៉ូតាស្យូមក្លរីតរបស់ឡាវត្រូវបានប៉ាន់ប្រមាណថា មានប្រហែលជាង១៣៣ពាន់លានតោន ហើយរដ្ឋាភិបាលនេះ ក៏បានប្រកាសអំពីគម្រោងសាងសង់រោងចក្រផលិតជីធំៗចំនួនបីទៀតផងដែរ ហើយគេរំពឹងថា ក្រុមហ៊ុនចិនមួយចំនួនអាចនឹងពាក់ព័ន្ធនឹងការសាងសង់រោងចក្រទាំងនេះ ខណៈដែលឡាវ មានគោលដៅក្លាយខ្លួនជាអ្នកផលិតជីធំបំផុតទីបីនៅលើពិភពលោក។
នៅចន្លោះខែមករា ដល់ខែវិច្ឆិកា ឆ្នាំ២០២៤ ប្រទេសឡាវ បាននាំចេញជីប៉ូតាស្យូមក្លរីត ក្នុងតម្លៃ៧៧០លានដុល្លារ កើនឡើងជិតទ្វេដង បើធៀបនឹងរយៈពេលដូចគ្នាកាលពីឆ្នាំមុន ហើយប្រទេសចិន គឺជាអ្នកនាំចូលជីនេះច្រើនជាងគេបំផុតដោយកើនឡើងជិត៨ដង កាលពីឆ្នាំមុនបើធៀបនឹងឆ្នាំ២០២០ ដែលស្មើនឹងប្រមាណ៨៧% នៃការនាំចេញសរុបរបស់ប្រទេសឡាវ។
ចំណុចរបត់នេះបានកើតឡើងនៅចំពេលតម្លៃជីបានចាប់ផ្តើមឡើងខ្ពស់នៅក្នុងរង្វង់ឆ្នាំ២០២២ ដោយភាគច្រើន គឺដោយសារតែការកើនឡើងតម្រូវការជីប៉ូតាស្យូមក្លរីតជាសកលបន្ទាប់ពីការដាក់ទណ្ឌកម្មសេដ្ឋកិច្ចលើប្រទេសរុស្ស៊ី និងប្រទេសបេឡារុស ដែលប្រទេសទាំងពីរគឺជាអ្នកផលិតជីដ៏ធំបំផុត ដែលមានចំណែករួមគ្នាជិត៤០%នៃការផលិតជីប៉ូតាស្យូមសរុបនៅលើពិភពលោក។
ប្រទេសបេឡារុស បានរងទណ្ឌកម្មពីប្រទេសបស្ចិមលោកនៅក្នុងឆ្នាំ២០២១ ចំពោះការរឹតត្បិតសិទ្ធិសេរីភាព ចំណែកទណ្ឌកម្មលើប្រទេសរុស្ស៊ី គឺដោយសារតែការឈ្លានពានលើប្រទេសអ៊ុយក្រែន នៅឆ្នាំ២០២២៕
អត្ថបទ៖ សុខ មង្គល
