ទូរសព្ទឆ្លាងវៃអេក្រង់បត់៣ថ្នាក់ Mate XT ត្រូវបានដាក់លក់លើកដំបូងក្នុងតម្លៃ៥ពាន់ដុល្លារនៅវៀតណាម

ទូរសព្ទ Mate XT គឺជាទូរសព្ទឆ្លាតវៃ ដែលអាចបត់បានបីថ្នាក់ជាលើកដំបូងនៅក្នុងពិភពលោកដែលផលិតដោយក្រុមហ៊ុន Huawei ហើយថ្មីៗនេះ ទូរសព្ទស៊េរីទំនើបមួយនេះ ត្រូវបានដាក់លក់ក្រៅផ្លូវការនៅប្រទេសវៀតណាម ក្នុងតម្លៃរហូតដល់ ១២៥ លានដុង ឬប្រហែល ៥០០០ ដុល្លារ​អាម៉េរិក ដែលខ្ពស់ជាងតម្លៃផ្លូវការនៅប្រទេសចិន រហូតដល់ទៅ ៨០%។

ក្រុមអាជីវកលក់ទូរសព្ទស៊េរីទំនើបៗបានជិះយន្តយន្តទៅនាំយកទូរសព្ទទំនើបនេះដោយខ្លួនឯង ដើម្បីដាក់លក់ក្រៅផ្លូវការក្នុងប្រទេសវៀតណាម ហើយការដាក់លក់ក្នុងតម្លៃប្រហែល ៥០០០ ដុល្លារសម្រាប់ទូរសព្ទ Mate XT នេះគឺជាតម្លៃមួយដែលថ្លៃបំផុតសម្រាប់ផលិតផល​ទូរសព្ទឆ្លាតវៃនៅក្នុងប្រទេសនេះ។

សូមរំលឹកថា ទូរសព្ទស្មាតហ្វូនស៊េរីចុងក្រោយបំផុតរបស់ក្រុមហ៊ុនចិនមួយនេះបានដាក់លក់ជាផ្លូវការនៅប្រទេសចិន តាំងពីថ្ងៃទី២០ ខែកញ្ញា ជាមួយនឹងតម្លៃចាប់ផ្ដើមជាង ២៨០០ ដុល្លារ ហើយតាំងពីនោះមក មិនដែលមានការផ្គត់ផ្គង់គ្រប់ទាន់តម្រូវនោះឡើយ៕

អត្ថបទ៖ សុខ មង្គល