ធនាគារ សាខមប៊ែង ខេមបូឌា នាំមកនូវ "ភាពកក់ក្តៅក្នុងឆ្នាំថ្មី" ដល់គ្រួសារមានជីវភាពលំបាកនាឱកាសបុណ្យចូលឆ្នាំថ្មី ឆ្នាំម្សាញ់ ២០២៥ នៅខេត្តស្វាយរៀង ប្រទេសកម្ពុជា

នៅថ្ងៃទី២២ ខែមករា ឆ្នាំ២០២៥ ថ្នាក់ដឹកនាំ និងបុគ្គលិករបស់ធនាគារ សាខមប៊ែង ខេមបូឌា បានចុះជួបផ្ទាល់ លើកទឹកចិត្ត និងចែកជូនអំណោយចំនួន ៥០០ចំណែក ដែលក្នុងនោះ អំណោយនីមួយៗមានតម្លៃសរុប ៨០,០០០ រៀល ក្នុងនោះរួមមានសាច់ប្រាក់ និងសម្ភារៈប្រើប្រាស់ចាំបាច់ (តម្លៃអំណោយសរុប ៤០,០០០,០០០ រៀល) ដល់ក្រុមគ្រួសារ មានជីវភាពលំបាក នាឱកាសបុណ្យចូលឆ្នាំថ្មី ឆ្នាំម្សាញ់ 2025 នៅខេត្តស្វាយរៀង ប្រទេសកម្ពុជា។

លោក Phung Thai Phung - សមាជិកក្រុមប្រឹក្សាភិបាល និងជាអគ្គនាយកធនាគារ សាខមប៊ែង ខេមបូឌា មានប្រសាសន៍ថា ក្រៅពីការរក្សាបាននូវប្រតិបត្តិការអាជីវកម្មប្រកបដោយប្រសិទ្ធភាព ធនាគារបាននិងកំពុងរួមចំណែកជាក់ស្តែងជាច្រើន ដល់សុខុមាលភាពសង្គម ក្នុងប្រទេសកម្ពុជា។

“ធនាគារ សាខមប៊ែង ខេមបូឌា បានសហការយ៉ាងសកម្មជាមួយសមាគមខ្មែរ-វៀតណាមនៅកម្ពុជា និងអាជ្ញាធរមូលដ្ឋាន ដើម្បីនាំយកអំណោយឆ្នាំថ្មី ដល់កុមារាកុមារី មនុស្សចាស់ជរាគ្មានទីពឹង កម្មករ កម្មការិនី និងគ្រួសារដែលមានជីវភាពលំបាក ជាដើម។សង្ឃឹម​ថា ទឹកចិត្តសប្បុរសធម៌​របស់ធនាគារ សាខមប៊ែង ខេមបូឌា នឹង​ផ្តល់​ភាព​កក់ក្ដៅ​ដល់​​លោកយាយ លោកតា អ៊ំ​ពូមីង និងក្មូយៗ ទាំងអស់​គ្នា​ក្នុង​ឱកាសបុណ្យឆ្នាំថ្មីខាងមុខ​នេះ” លោក Phung Thai Phung បានចែករំលែក។

ក្រៅពីប្រទេសកម្ពុជា កម្មវិធី "ភាពកក់ក្តៅក្នុងឆ្នាំថ្មី" លើកទី២២ ក៏ត្រូវបានរៀបចំដោយធនាគារ សាខមប៊ែង នៅតាមបណ្តាខេត្ត ក្រុងនានាក្នុងប្រទេសវៀតណាម និងឡាវ ដោយចំណាយថវិកាសរុបចំនួន 1.6 ពាន់លានរៀល។ ក្នុងរយៈពេល 22 ឆ្នាំកន្លងមកនេះ ធនាគារ សាខមប៊ែង បានចំណាយថវិកាជាង 16.8 ពាន់លានរៀល លើសកម្មភាពសប្បុរសធម៌រៀងរាល់ឱកាសបុណ្យចូលឆ្នាំថ្មី ដោយបង្ហាញពីទំនួលខុសត្រូវរបស់ខ្លួនចំពោះសហគមន៍ ការចង់ចែករំលែកជាមួយក្រុមគ្រួសារមានជីវភាពលំបាក ក៏ដូចជាការប្តេជ្ញាចិត្តរយៈពេលវែង រួមចំណែកដល់សុខុមាលភាពសង្គម និងការអភិវឌ្ឍសេដ្ឋកិច្ចក្នុងតំបន់ របស់ធនាគារ សាខមប៊ែង។​​