តើទីផ្សារត្រីនៅកម្ពុជា មានស្ថានភាពបែបណា ក្រោយអាជ្ញាធររឹតបន្តឹងការនាំចូលពីបរទេស?
មកទល់ពេលនេះតម្លៃត្រីចិញ្ចឹមនៅកម្ពុជា មានភាពល្អប្រសើរឡើងវិញបន្តិចហើយក្រោយក្រសួងកសិកម្ម រុក្ខាប្រមាញ់ និងនេសាទ រឹតបន្តឹងលើការនាំចូលត្រីពីក្រៅ…
គណៈរដ្ឋមន្ត្រីថៃ កាលពីថ្ងៃអង្គារ ទី ២២ ខែកក្កដា បានអនុម័តលើការពន្យារពេលរយៈពេល៦ខែសម្រាប់ពលករចំណាកស្រុកមកពីកម្ពុជា ដែលធ្វើការនៅក្នុងបណ្តាខេត្តជាប់ព្រំដែនរបស់ខ្លួន។ ការដាក់ចេញចំណាត់ការនេះធ្វើឡើងដើម្បីឆ្លើយតបទៅនឹងការផ្លាស់ប្តូរថ្មីៗ នៃម៉ោងប្រតិបត្តិការរបស់ប៉ុស្តិ៍ត្រួតពិនិត្យព្រំដែននៅទូទាំងខេត្តចំនួន៧ ដែលបានបង្កផលប៉ះពាល់ដល់ចលនារបស់កម្មករនៅក្នុងតំបន់។
អ្នកនាំពាក្យរដ្ឋាភិបាលថៃ លោក ជីរ៉ាយូ ហួងស៊ូប (Jirayu Houngsub) បានអះអាងថា ដោយសារតែភាពចលាចលដែលកំពុងកើតមាននៅតាមព្រំដែន និងការអនុវត្តវិធានការត្រួតពិនិត្យព្រំដែនដ៏តឹងរ៉ឹង បានធ្វើឲ្យពលករកម្ពុជា មួយចំនួនធំមិនអាចចូលប្រទេសថៃ ឡើងវិញបាន។ លោកបានបន្តថា ដោយសារពលករខ្លះមិនអាចចាកចេញពីថៃបាន ថៃនឹងបន្តផ្តល់ភាពស្របច្បាប់ដល់ពួកគេ។ គិតត្រឹមខែមិថុនា ឆ្នាំ២០២៥ ពលករកម្ពុជាដែលមានសណ្ឋានបែបនេះមានប្រមាណជាង៤ម៉ឺន៧ពាន់នាក់ ហើយនឹងអាចមានបន្តទៀត។
លោកបានអះអាងថា ការសម្រេចបែបនេះរបស់គណៈរដ្ឋមន្ត្រីធ្វើឡើងតាមសំណើរបស់ក្រសួងការងារដើម្បីផ្តល់ការលើកលែងពិសេសអនុញ្ញាតឱ្យក្រុមគោលដៅនៃជនបរទេស ដែលធ្វើការនៅតំបន់ព្រំដែនសម្រាប់រយៈពេល៦ខែ។ លោកបានបន្តថា រយៈពេលអនុគ្រោះនេះចូលជាធរមានចាប់ពីថ្ងៃទី៧ ខែមិថុនា ជាថ្ងៃដែលវិធានការត្រួតពិនិត្យព្រំដែនរបស់ក្រសួងមហាផ្ទៃចូលជាធរមាន៕
ដោយៈ សរ សុជាតិ
