ក្រុមហ៊ុនរបស់ចិន DeepSeek អះអាងថា ម៉ូឌែលបច្ចេកវិទ្យា AI របស់ខ្លួនបានធ្វើឱ្យប្រាក់ចំណេញរបស់ខ្លួនកើនឡើងជាង៥០០%
ក្រុមហ៊ុនបច្ចេកវិទ្យាបញ្ញាសិប្បនិម្មិត AI របស់ចិន DeepSeek បានបង្ហាញរបាយការណ៍ហិរញ្ញវត្ថុគួរឱ្យភ្ញាក់ផ្អើលថា ប្រាក់ចំណេញរបស់ខ្លួនបានកើនឡើងជ…
អ្នកនាំពាក្យរដ្ឋាភិបាលថៃ លោក ជីរ៉ាយុ ហឿងស៊ឹប (Jirayu Houngsub) បាននិយាយថា ការប្ដេជ្ញាបោះទុនវិនិយោគរបស់ក្រុមហ៊ុន TikTok នេះធ្វើឡើងក្រោយលោកស្រី ហេឡេណា ឡឺស (Helena Lersch) អនុប្រធានគោលនយោបាយសាធារណៈរបស់ក្រុមហ៊ុន TikTok និងនាយករដ្ឋមន្ត្រីថៃ លោកស្រី ផែថងថាន ស៊ីណាវ៉ាត្រា បានជួបពិភាក្សាគ្នានៅទីក្រុងបាងកក កាលពីថ្ងៃសុក្រ សប្តាហ៍មុន។
លោកស្រី ឡឺស បានសម្តែងការដឹងគុណចំពោះរដ្ឋាភិបាលថៃ ដែលបានគាំទ្រការវិនិយោគ និងប្រតិបត្តិការរបស់ពួកគេនៅក្នុងប្រទេសថៃ និងបានបញ្ជាក់ជាថ្មីអំពីការប្តេជ្ញាចិត្តរបស់ក្រុមហ៊ុន TikTok ក្នុងកិច្ចសហការជាមួយរដ្ឋាភិបាល និងគ្រប់ភាគីរបស់ថៃ ដើម្បីជួយជំរុញប្រទេសថៃ ឱ្យឈានចូលយុគសម័យឌីជីថល។
ក្រុមហ៊ុនដែលគ្រប់គ្រងដោយចិននេះ បានប្រកាសអំពីផែនការរបស់ខ្លួនក្នុងការវិនិយោគចំនួន៨,៨ពាន់លានដុល្លារអាម៉េរិក នៅក្នុងប្រទេសថៃ ក្នុងរយៈពេល៥ឆ្នាំខាងមុខ ដោយផ្តោតលើការពង្រឹងហេដ្ឋារចនាសម្ព័ន្ធបច្ចេកវិទ្យារបស់ប្រទេសនេះ។
ការពង្រឹងហេដ្ឋារចនាសម្ព័ន្ធបច្ចេកវិទ្យានេះ ក៏រួមបញ្ចូលទាំងការបង្កើតមជ្ឈមណ្ឌលរក្សាទុកទិន្នន័យដែលនឹងធ្វើឱ្យប្រសើរឡើងនូវការគ្រប់គ្រងទិន្នន័យសម្រាប់អ្នកប្រើប្រាស់នៅក្នុងប្រទេសថៃ និងតំបន់អាស៊ីអាគ្នេយ៍ផងដែរ ដោយក្រុមហ៊ុន TikTok មានបំណងធ្វើឱ្យប្រទេសថៃ ក្លាយជាមជ្ឈមណ្ឌលបច្ចេកវិទ្យាក្នុងតំបន់។
លោក ជីរ៉ាយុ បាននិយាយថា ក្នុងកិច្ចពិភាក្សានេះរដ្ឋាភិបាលថៃ បានសង្កត់ធ្ងន់លើសារសំខាន់នៃការលើកកម្ពស់ចំណេះដឹងប្រព័ន្ធផ្សព្វផ្សាយ ដោយលោកស្រី ផែថងថាង បានបង្ហាញពីឆន្ទៈក្នុងការសហការជាមួយក្រុមហ៊ុន TikTok ដើម្បីដោះស្រាយបញ្ហាព័ត៌មានក្លែងក្លាយ និងការឆបោកតាមប្រព័ន្ធអ៊ីនធឺណិត៕
អត្ថបទ៖ សុខ មង្គល
