តើជំនួបរវាងមន្ត្រីជាន់ខ្ពស់របស់អាម៉េរិក និងអ៊ុយក្រែនសម្រេចបានលទ្ធផលផ្លែផ្កាអ្វីខ្លះ?
ជំនួបរវាងមន្ត្រីជាន់ខ្ពស់របស់សហរដ្ឋអាម៉េរិក និងអ៊ុយក្រែននៅប្រទេសអារ៉ាប៊ីសាអូឌីតបានបញ្ជប់ជាមួយលទ្ធផលផ្លែផ្កាគួរឱ្យកត់សម្គាល់ ក្នុងនោះសហរដ្ឋ…
អតីតប្រធានាធិបតីហ្វីលីពីនលោក រ៉ូឌ្រីហ្គោ ឌូទើតេ ត្រូវបានចាប់ខ្លួន និងបញ្ជូនតាមយន្តហោះពិសេសទៅកាន់ទីក្រុងឡាអេ ប្រទេសហូឡង់កាលពីថ្ងៃទី១១ ខែមីនា ឆ្នាំ២០២៥ ដើម្បីតតាំងក្តីក្តាំក្រោមបទចោទពីបទឧក្រិដ្ឋកម្មប្រឆាំងមនុស្សជាតិ ដែលផ្តើមចេញពីការបង្រ្កាបគ្រឿងញៀនដ៏ក្តៅគគុករបស់លោកចន្លោះពីឆ្នាំ២០១៦ដល់ឆ្នាំ២០២២។ ក្រោយយន្តហោះពិសេសចុះចតភ្លាម អតីតមេដឹកនាំហ្វីលីពីនរូបនេះ ត្រូវបានដឹកយកទៅកាន់មន្ទីរឃុំឃាំងរបស់តុលាការឧក្រិដ្ឋកម្មអន្តរជាតិ ដើម្បីត្រៀមប្រឈមមុខជាមួយចៅក្រមរបស់តុលាការនេះ។
ប្រភពដែលដឹងពីបញ្ហានេះបានឱ្យដឹងថា លោក ឌូទើតេ ត្រូវបានកងកម្លាំងរបស់ ICC ដឹកយកទៅឃុំខ្លួនៅមន្ទីរឃុំឃាំងមួយកន្លែងនៅជាយក្រុងឡាអេ ជាប់មាត់សមុទ្រ ដែលជាកន្លែង ដែលតុលាការយុត្តិធម៌អន្តរជាតិតែងតែនាំអ្នកទោសយកទៅឃុំខ្លួន ដោយបច្ចុប្បន្នមានជនជាប់ចោទចំនួន៥រូបកំពុងត្រូវបានឃុំខ្លួននៅទីនោះ និងកំពុងតស៊ូក្តីក្តាំ។ ទីនោះ ក៏ជាពន្ធនាគារ ដែលធ្លាប់ឃុំឃាំងអតីតមេដឹកនាំប្រទេសយូហ្គោស្លាវីលោក ស្លូបូដាន មីឡូសេវិច (Slobodan Milosevic), លោក រ៉ាដូវ៉ាន់ ការ៉ាហ្សិច ( Radovan Karadzic ) និងលោក រ៉ាកូ ម្លាឌិច (Ratko Mladic) ផងដែរ។
តើលោក រ៉ូឌ្រីហ្គោ ឌូទើតេ អាចរស់នៅទីនោះ និងតស៊ូក្តីដោយរបៀបណា?
ដោយៈ សរ សុជាតិ
