អ្នករកស៊ីនៅចិន នៅតែរក្សាការប្រុងប្រយ័ត្នខ្ពស់ ទោះអាម៉េរិកបានបញ្ចុះពន្ធលើទំនិញចិន
ពាណិជ្ជករ និងអាជីវករនៅក្នុងប្រទេសចិន នៅតែរក្សាការប្រុងប្រយ័ត្នខ្ពស់ ទោះបីសហរដ្ឋអាម៉េរិក និងចិន បានឯកភាពគ្នាបញ្ចុះពន្ធបដិការ១១៥% លើទំនិញន…
នេះ ត្រូវបានប្រទេសមហាអំណាចមួយចំនួនពិសេសសហរដ្ឋអាម៉េរិក ប្រើធ្វើជាលេស ដើម្បីដាក់គំនាបលើក្រុមហ៊ុន ឬមុខទំនិញរបស់បណ្តាប្រទេសផ្សេងៗ ក៏ដូចជាដើម្បីធានាភាពត្រឹមត្រូវក្នុងការដាក់សម្ពាធលើប្រទេសផ្សេងៗរបស់ខ្លួន។
អគ្គនាយកអង្គការពាណិជ្ចកម្មពិភពលោក លោកស្រី ង៉ោហ្ស៊ី អូកុនចូ អ៊ីវៀឡា (Ngozi Okonjo-Iweala) បានអះអាងថា រដ្ឋជាសមាជិកមានសិទ្ធិប្រើពាក្យ«សន្តិសុខជាតិ»ដែលបានចែងតាំងពីសម័យសង្គ្រាមត្រជាក់ក្នុងការដាក់គំនាប ឬទណ្ឌកម្មណាមួយលើទំនិញ ឬប្រទេសផ្សេងៗ តែកុំឱ្យផ្ទុយពីច្បាប់របស់អង្គការ WTO។ ទន្ទឹមនឹងនេះ WTO ស្នើឱ្យរដ្ឋជាសមាជិកកំណត់និយមន័យឱ្យច្បាស់លាស់ថា តើអ្វីទៅជាសន្តិសុខជាតិ។
លោស្រី អូកុនចូ អ៊ីវៀឡា បានអំពាវនាវឱ្យរដ្ឋជាសមាជិកចរចាគ្នាកំណត់និយមន័យលើបទប្បញ្ញត្តិ ស្ដីពី«សន្តិសុខជាតិ»ឱ្យបានច្បាស់លាស់បន្ថែមទៀត ដើម្បីកុំឱ្យរដ្ឋជាសមាជិកប្រើវាធ្វើជាលេសសម្រាប់បង្ហាញពីភាពត្រឹមត្រូវ នៃការដំឡើងពន្ធ ឬការគំនាបណាមួយរបស់ពួកគេ។ ប៉ុន្តែលោកស្រីគិតថា វាជាប្រធានបទមួយដែលមានការលំបាកខ្លាំងសម្រាប់ក្រុមសមាជិកត្រូវដោះស្រាយនៅក្នុងដំណើរការកំណែទម្រង់នៃប្រព័ន្ធដោះស្រាយជម្លោះមួយនេះ។
ការស្នើរបស់មេអង្គការពាណិជ្ជកម្មពិភពលោកនេះ ធ្វើឡើងក្រោយអង្គការ WTO ក្នុងនាមជាអាជ្ញាកណ្តាលនៃពាណិជ្ជកម្មអន្តរជាតិ ទទួលបានសំណួរជាច្រើន ក្រោយលោក ដូណាល់ ត្រាំ បានប្រកាសពន្ធ១០%ជាសកលលើដៃគូពាណិជ្ជកម្មទាំងអស់ រួមជាមួយពន្ធ១៤៥% លើប្រទេសចិន ផងដែរ។ ទោះបីថ្មីៗនេះ អាម៉េរិក និងចិន បានសម្រេចបញ្ចុះពន្ធ១១៥%លើទំនិញរៀងៗខ្លួនសម្រាប់រយៈពេល៩០ថ្ងៃក៏ដោយ ប៉ុន្តែអាម៉េរិក ដំបូងឡើយ បានបង្ហាញពីភាពត្រឹមត្រូវចំពោះការដាក់ពន្ធខ្ពស់មិនធ្លាប់មានពីមុនមកនេះ ក្រោមហេតុផលសន្តិសុខជាតិ។
មេ WTO បានសង្កត់ធ្ងន់ថា ការធ្វើកំណែទម្រង់ពាក្យសន្តិសុខជាតិនេះ ត្រូវតែមានកិច្ចសហប្រតិបត្តិការជាមួយសហរដ្ឋអាម៉េរិក ដែលកំពុងដាក់ពន្ធលើប្រទេសផ្សេងៗដោយមិនខ្វល់ពីច្បាប់ពាណិជ្ជកម្មពិភពលោក៕
ដោយ៖ សុខ មង្គល
