Popular

មន្ត្រីជាន់ខ្ពស់ក្រសួងសុខាភិបាលថៃបាននិយាយនៅថ្ងៃច័ន្ទនេះថា ប្រទេសថៃនឹងបញ្ឈប់ការប្រើវ៉ាក់សាំងកូវីដ -១៩ ស៊ីណូវ៉ាក់របស់ប្រទេសចិននៅពេលដែលវ៉ាក់ សាំងប្រភេទនេះអស់ពីស្តុកក្នុងប្រទេសថៃនៅចុងខែនេះ។ ថៃនឹងមិនបន្តផ្គត់ផ្គង់វ៉ាក់សាំងស៊ីណូវ៉ាក់ទៀតទេ ដោយហេតុថា រដ្ឋាភិបាលថៃបានផ្លាស់ប្ដូរកម្មវិធីពីការចាក់វ៉ាក់សាំងស៊ីណូវ៉ាក់ជាដូសទី១ ទៅជាការចាក់វ៉ាក់សាំង អាស្ត្រាហ្សេនីកា ជាដូសទី១ វិញ ហើយវ៉ាក់សាំង Pfizer ត្រូវបានប្រើប្រាស់ជាដូសទី ២។ នេះបើយោងតាមការចុះផ្សាយដោយសារព័ត៌មានបាងកកប៉ុស្តិ៍។