#ទីផ្សារភាគហ៊ុន

សកម្មភាពចុះបញ្ជីបោះផ្សាយលក់មូលបត្រជាសាធារណៈលើកដំបូង (IPO) នៅក្នុងឆ្នាំ២០២៤ នៅអាស៊ីអាគ្នេយ៍ ដែលរួមមានសមាជិកអាស៊ានទាំង១០ប្រទេស បូករួមទាំងទីម័រឡេស្តេផងដែរនោះ បានធ្លាក់ចុះដល់កម្រិតទាបបំផុតមិនធ្លាប់មានក្នុងរយៈពេលជិតមួយទសវត្សរ៍មកនេះ ដោយសារតែកត្តារាំងស្ទះជាចម្បងមួយចំនួនដូចជាអត្រាការប្រាក់ខ្ពស់ ការប្រែប្រួលនៃភូមិសាស្ត្រនយោបាយ និងការធ្លាក់ចុះទំនុកចិត្តរបស់វិនិយោគិនជាដើម។ ទោះជាយ៉ាងណា ការប្រកាសឡើងផ្សារហ៊ុន ឬ IPO នៅក្នុងតំបន់នេះត្រូវបានអ្នកជំនាញអន្តរជាតិព្យាករថានឹងស្ទុះងើបឡើងវិញនៅឆ្នាំ២០២៥ ដ៏ខ្លីខាងមុខនេះ។