#ជំងឺរាតត្បាតកូវីដ១៩

ប្រធានអង្គការសុខភាពពិភពលោកលោក ថេដ្រូស អាដាណុម ហ្គេប្រេហ្សូស (Tedros Adhanom Ghebreyesus) បាននិយាយកាលពីថ្ងៃពុធ ទី១៤ ខែធ្នូ ថា ជំងឺរាតត្បាតកូវីដ១៩នឹងមិនត្រូវបានចាត់ទុកថាជាការប្រកាសអាសន្នជាសកលទៅទៀតទេនៅឆ្នាំក្រោយ។ ការលើកឡើងបែបនេះរបស់ប្រធានអង្គការ WHO គឺស្របពេលដែលបច្ចុប្បន្នប្រទេសជាច្រើននៅទូទាំងពិភពលោកបានបន្ធូរបន្ថយវិធានការរឹតត្បិកូវីដ១៩កាន់តែច្រើនឡើង ខណៈករណីស្លាប់ដោយសារកូវីដ១៩ មានការថយចុះយ៉ាងខ្លាំង បើទោះបីជាករណីឆ្លងថ្មីនៅបន្ដរកឃើញជាហូរហែក្ដី។ នេះបើតាមការចុះផ្សាយដោយសារព័ត៌មាន រ៉យទ័រ។