ការអត្ថាធិប្បាយរបស់លោក ថេដ្រូស ប្រធានអង្គការ WHO អំពីក្ដីសង្ឃឹមនឹងដកមេរោគកូវីដ១៩ចេញពីបញ្ចីមេរោគដែលត្រូវប្រកាសអាសន្ននោះ បានធ្វើឡើងស្របពេលប្រទេសចិន ត្រូវបានគេឱ្យដឹងថាកំពុងបន្ធូរបន្ថយ និងលុបចោលផ្នែកខ្លះនៃគោលនយោបាយសូន្យកូវីដដ៏តឹងរ៉ឹងរបស់ខ្លួន ដោយអនុញ្ញាតឱ្យមនុស្សរស់នៅជាមួយមេរោគដែលបានធ្វើឱ្យមានការព្រួយបារម្ភថា ប្រទេសសេដ្ឋកិច្ចលំដាប់លេខពីររបស់ពិភពលោកនេះអាចប្រឈមនឹងការរាលដាលសាជាថ្មីវិញផងដែរ។
មែនទែនទៅ អង្គការអន្តរជាតិ WHO តែងតែជួបប្រជុំគ្នារៀងរាល់ពីរបីខែម្តង ដើម្បីសម្រេចថា តើវីរុសកូរ៉ូណាថ្មី ដែលបានផុសឡើងកាលពី ៣ ឆ្នាំមុននៅទីក្រុង Wuhan របស់ប្រទេសចិន និងបានសម្លាប់មនុស្សជាង ៦,៦ លាននាក់ នៅតែជា «ការព្រួយបារម្ភជាអន្តរជាតិនៃហានិភ័យសុខភាពសាធារណៈ» ឬយ៉ាងណានោះ។ ដោយការកំណត់នេះមានគោលបំណងជំរុញឱ្យមានការឆ្លើយតបជាអន្តរជាតិដែលសម្របសម្រួល និងអាចដោះសោរការផ្តល់មូលនិធិ ដើម្បីសហការលើការចែករំលែកវ៉ាក់សាំង និងការព្យាបាលជាដើម។
អត្ថបទគួរអាន
នៅពេលសួរអំពីលក្ខខណ្ឌដែលត្រូវការសម្រាប់ការបញ្ចប់នៃនៃលក្ខខណ្ឌនៃហានិភ័យជាអន្តរជាតិនេះ អ្នកជំនាញមេរោគរាតត្បាតជាន់ខ្ពស់របស់អង្គការសុខភាពពិភពលោក Maria Van Kerkhove បាននិយាយថា «មានការងារច្រើនទៀតដែលត្រូវធ្វើ»។
បើតាមនាយកផ្នែកសង្គ្រោះបន្ទាន់របស់ WHO លោក Mike Ryan បាននិយាយអំពីបញ្ហាដូចគ្នានេះថា «ប្រសិនបើមានចំនួនប្រជាជនដ៏ច្រើនដែលមិនទាន់បានចាក់វ៉ាក់សាំង ពិភពលោកនៅតែមានការងារជាច្រើនដែលត្រូវធ្វើ»។
លោកបាននិយាយដោយភ្ជាប់នឹងការផ្ទុះការរាតត្បាតថ្មីក្នុងប្រទេសចិនថា វាមិនមែនដោយសារតែការបន្ធូរបន្ថយភ្លាមៗដោយរដ្ឋាភិបាលនៃគោលនយោបាយដ៏តឹងរឹងរបស់ខ្លួននោះទេ ព្រោះកូវីដ១៩បាននិងកំពុងរីករាលដាល «យ៉ាងខ្លាំង» នៅក្នុងប្រទេសនេះជាយូរមកហើយ មុនពេលការដកកាវិធានការសូន្យកូវីដនេះទៅទៀត»។ លោកថា ដើម្បីគ្រប់គ្រងមេរោគនេះបាន រដ្ឋាភិបាលចិនត្រូវប្រាកដថា ខ្លួនអាចទទួលបានវ៉ាក់សាំងគ្រប់គ្រាន់សម្រាប់ប្រជាជនទាំងនោះ។
