#ខ្សែក្រវាត់ និងផ្លូវ

រថយន្តធុនធំ និងតូចជាង៤លាន៦សែនគ្រឿង បានធ្វើដំណើរលើផ្លូវល្បឿនលឿនភ្នំពេញ-ក្រុងព្រះសីហនុ ក្រោយដាក់ឱ្យដំណើរការក្នុងរយៈពេល១ឆ្នាំកន្លងមកនេះ។ បើតាមមន្រ្តីជាន់ខ្ពស់ក្រុមប្រឹក្សាអភិវឌ្ឍន៍កម្ពុជា ក្នុងចំណោមការបើកបររបស់រថយន្តទាំងនេះមានករណីគ្រោះថ្នាក់ចរាចរណ៍ជាង៣០០ករណី ដោយបានបណ្តាលឱ្យមនុស្ស៥នាក់បានស្លាប់បាត់បង់ជីវិត។ ទន្ទឹមគ្នានេះមន្រ្តីជាន់ខ្ពស់រូបនេះ អះអាងថា គម្រោងផ្តួចផ្តើមខ្សែក្រវាត់ និងផ្លូវរបស់ចិននេះ មិនបានធ្វើឱ្យកម្ពុជាធ្លាក់ក្នុងអន្ទាក់ ឬវ័ណ្ឌកជាមួយបំណុលនោះទេ។