#លិខិតឆ្លងដែន

ប្រមុខរាជរដ្ឋាភិបាលកម្ពុជា អះអាងថា ទោះបីប្រជាពលរដ្ឋខ្មែររស់នៅប្រទេសណាក៏ដោយ ក៏រាជរដ្ឋាភិបាលកម្ពុជាត្រូវមានកាតព្វកិច្ចគាំពារ និងផ្តល់សេវាផ្សេងៗ ជូនដល់ពួកគាត់តាមដែលអាចធ្វើទៅបាន ដូចទៅនឹងប្រជាពលរដ្ឋដែលកំពុងរស់នៅក្នុងប្រទេសដែរ។ សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា កាលពីថ្ងៃទី ៩ខែកញ្ញា បានបញ្ជាឱ្យមានការបើកការិយាល័យធ្វើលិខិតឆ្លងដែនជូនដល់ពលករខ្មែរនៅក្រៅប្រទេស ដោយចាប់ផ្ដើមពីប្រទេសកូរ៉េខាងត្បូងមុនគេ ដើម្បីសម្របសម្រួលការលំបាក កាត់បន្ថយពេលវេលា និងការចំណាយរបស់ពលករខ្មែរដែលរស់នៅទីនោះ។