#លោក ស៊ី

ប្រធានាធិបតីចិនលោក ស៊ី ជីនពីង (Xi Jinping) បានបញ្ជាក់ទៅកាន់ក្រុមនាយកប្រតិបត្តិក្រុមហ៊ុនយក្សរបស់អាម៉េរិក ដែលអមដំណើរប្រធានាធិបតី ដូណាល់ ត្រាំ ក្នុងទស្សនកិច្ចផ្លូវរដ្ឋថា ទ្វារអាជីវកម្មរបស់ប្រទេសចិននឹងបើកចំហកាន់តែធំ សម្រាប់សហរដ្ឋអាម៉េរិក។ យោងតាមទីភ្នាក់ងារសារព័ត៌មានរដ្ឋស៊ិនហួ (Xinhua) លោក ស៊ី បានសង្កត់ធ្ងន់ថា ក្រុមហ៊ុនអាម៉េរិកបានដើរតួនាទីយ៉ាងសំខាន់ក្នុងដំណើរការកែទម្រង់ និងការបើកចំហសេដ្ឋកិច្ចរបស់ចិន ដែលនាំឱ្យភាគីទាំងពីរទទួលបានផលប្រយោជន៍ទៅវិញទៅមកយ៉ាងច្រើនសន្ធឹកសន្ធាប់។