#លោក ថាក់ស៊ីន

រដ្ឋមន្ត្រីក្រសួងយុត្តិធម៌ថៃបានបញ្ជាក់នៅថ្ងៃទី៣ ខែមិថុនា នេះថា អតីតនាយករដ្ឋមន្ត្រីថៃលោក ថាក់ស៊ីន ស៊ីណាវ៉ាត្រា ស្ថិតក្នុងចំណោមទណ្ឌិតដែលទទួលបានព្រះរាជទានលើកលែងទោសក្នុងឱកាសព្រះរាជពិធីបុណ្យចម្រើនព្រះជន្មរបស់ព្រះមហាក្សត្រិយានី សុធីដា (Queen Suthida)។ ផ្អែកតាមផ្លូវច្បាប់លោក ថាក់ស៊ីន ត្រូវបានចាត់ទុកថា បានបញ្ចប់ការអនុវត្តទោសរួចរាល់ និងរួចផុតពីទោសដែលនៅសេសសល់ភ្លាមៗ ខណៈខ្សែដៃតាមដានអេឡិចត្រូនិក ក៏នឹងត្រូវដកចេញផងដែរ ស្របពេលដែលនីតិវិធីរដ្ឋបាលចុងក្រោយកំពុងដំណើរការ។ នេះបើតាមការចុះផ្សាយរបស់សារព័ត៌មាន Khaosod។