#ផ្លូវក្រវាត់ក្រុងទី៣

ផ្លូវក្រវាត់ក្រុងទី៣បានសម្ពោធដាក់ឱ្យប្រើប្រាស់ឈ្មោះ«មហាវិថី ស៊ី ជីនពីង»ជាផ្លូវការនាថ្ងៃទី១៩ ខែកក្កដា ឆ្នាំ២០២៤។ឯកឧត្តម ស៊ុន ចាន់ថុល ឧបនាយករដ្ឋមន្ត្រីអនុប្រធានទី១ក្រុមប្រឹក្សាអភិវឌ្ឍន៍កម្ពុជាបានគូសបញ្ជាក់ថា ការប្រសិទ្ធនាមឈ្មោះ«មហាវិថីស៊ីជីនពីង» គឺដើម្បីបង្ហាញពីការយកចិត្តទុកដាក់ខ្ពស់និងដឹងគុណរបស់រាជរដ្ឋាភិបាលនិងប្រជាជនកម្ពុជាចំពោះមិត្តចិនដែលបានផ្តល់ហិរញ្ញប្បទាននិងជំនួយផ្សេងៗដល់កម្ពុជានិងជាពិសេសកិច្ចសហប្រតិបត្តិការនៃគំនិតផ្តួចផ្តើមខ្សែក្រវាត់ និងផ្លូវដែលបានដាក់ចេញដោយឯកឧត្តមស៊ីជីនពីងប្រធានាធិបតីចិន។