#ផ្លូវអាកាស

ចូលដល់ឆ្នាំ២០២២ យើងសង្កេតឃើញថា វិស័យអាកាសចរណ៍កម្ពុជាហាក់មានភាពល្អប្រឡើងវិញ បើធៀបនឹងឆ្នាំ២០២០ និងឆ្នាំ២០២១ ជាពេលដែលមេរោគរាតត្បាតកូវីដ-១៩ កំពុងវាយលុកខ្លាំង។ ជាក់ស្តែងនៅក្នុងរយៈពេល១០ខែកន្លងទៅ កម្ពុជាទទួលបានជើងហោះហើរជាង២ម៉ឺនជើង មានការកើនឡើងជិត២០០% បើធៀបនឹងរយៈពេលដូចគ្នាកាលពីឆ្នាំមុន។ ទោះយ៉ាងណា បើតាមការបញ្ជាក់របស់មន្ត្រីជាន់ខ្ពស់រដ្ឋលេខាធិការដ្ឋានអាកាសចរណ៍ស៊ីវិល ការដឹកជញ្ចូនទំនិញតាមផ្លូវអាកាសនៅក្នុងរយៈពេល១០ខែឆ្នាំនេះ នៅតែបន្តធ្លាក់ចុះបើធៀបនឹងរយៈពេលដូចគ្នាកាលពីឆ្នាំមុន។