#ផ្លូវដែក

វិស័យដឹកជញ្ជូន និងភស្តុភារកម្ម គឺវាវិស័យសំខាន់មួយក្នុងការជួយជំរុញការអភិឌ្ឍនិងកំណើនសេដ្ឋកិច្ចរបស់កម្ពុជា ដ្បិតថា វិស័យនេះផ្សារភ្ជាប់ជាមួយនឹងការធ្វើពាណិជ្ជកម្មរបស់កម្ពុជា ជាមួយពិភពលោក។ ក្រៅពីជំរុញការអភិឌ្ឍវិស័យដឹកជញ្ជូនតាមផ្លូវទឹកឱ្យកាន់តែមានសក្តានុពលខ្ពស់ រាជរដ្ឋាភិបាលកម្ពុជា ក៏បានខិតខំជំរុញការអភិឌ្ឍវិស័យដឹកជញ្ជូនតាមផ្លូវដែកឱ្យកាន់តែរីកចម្រើនបន្ថែមទៀតផងដែរ ជាក់ស្តែងការដឹកជញ្ជូនទំនិញតាមផ្លូវដែករបស់កម្ពុជា ក្នុងឆ្នាំ២០២៤ កន្លងទៅ គឺសម្រេចបានកំណើនជាង៨% បើធៀបនឹងឆ្នាំ២០២៣។