#ប្រទេសកោះនៅប៉ាស៊ីហ្វិក

សេតវិមានអាមេរិកបាននិយាយកាលពីចុងសប្តាហ៍មុនថា ប្រធានាធិបតីអាមេរិកលោក ចូ បៃដិន នឹងធ្វើជាម្ចាស់ផ្ទះទទួលក្រុមមេដឹកនាំនៃបណ្តាប្រទេសកោះប៉ាស៊ីហ្វិកនៅក្នុងជំនួបផ្ទាល់មួយ ដែលគ្រោងនឹងធ្វើឡើងពីថ្ងៃទី២៨ដល់២៩ខែកញ្ញានេះ នៅទីក្រុងវ៉ាស៊ីនតោន។ នេះជាកិច្ចខិតខំប្រឹងប្រែងមួយរបស់សហរដ្ឋអាមេរិកក្នុងការបង្កើនទំនាក់ទំនងជាមួយតំបន់មួយនេះ ក្រោយពីប្រទេសចិនហាក់បង្ហាញការចាប់អារម្មណ៍ខ្លាំងនៅមួយរយៈចុងក្រោយ និងកំពុងតាមឱបក្រសោបតំបន់ប្រទេសកោះប៉ាស៊ីហ្វិកកាន់តែខ្លាំងឡើង។ នេះបើតាមការចុះផ្សាយដោយសារព័ត៌មានអន្តរជាតិធំៗជាច្រើន។