#អាមេរិកចិន

ប្រធានាធិបតីអាមេរិកលោកចូ បៃឌិន កាលពីពេលថ្មីៗនេះបានបង្ហើបឱ្យដឹងថាលោកនឹងជួបពិភាក្សាជាមួយប្រធានាធិបតីចិន ស៊ី ជីនពីង ក្នុងពេលឆាប់ៗនេះ ដើម្បីអាចសម្រេចចិត្តថាតើអាមេរិកគួរតែដករនាំងទណ្ឌកម្មពន្ធគយខ្លះ ដែលបានដាក់ដោយកាលពីរដ្ឋការលោកដូណាល់ ត្រាំ ចេញពីទំនិញរបស់ចិនឬមួយយ៉ាងណា។ កិច្ចខិតខំប្រឹងប្រែងនេះ ត្រូវបានមន្ត្រីនៃរដ្ឋបាលលោកចូ បៃឌិន អះអាងថាដើម្បីបន្ធូរបន្ថយតម្លៃទំនិញ និងអតិផរណា ដ៏អាក្រក់បំផុតមិនធ្លាប់មានក្នុងពេល៤ទសវត្សរ៍ចុងក្រោយ។