#រដ្ឋប្រហារយោធា

មន្ត្រីការទូតកំពូល និងជារដ្ឋមន្ត្រីការបរទេសរបស់ប្រទេសចិន លោកវ៉ាង យី (Wang Yi) បានធ្វើដំណើរទស្សនកិច្ចជាលើកដំបូងរបស់ខ្លួន ទៅកាន់ប្រទេសមីយ៉ាន់ម៉ាចាប់តាំងពីរបបយោធាបានដណ្តើមអំណាចកាលពីឆ្នាំមុន។ការឈានជើងចូលជាលើកដំបូងនេះ គឺដើម្បីចូលរួមកិច្ចប្រជុំថ្នាក់តំបន់ ដែលត្រូវបានរបបយោមីយ៉ាន់ម៉ាចាត់ទុកថា ជាការទទួលស្គាល់ដោយស្របច្បាប់នៃរដ្ឋាភិបាលរបស់ខ្លួន ខណៈដែលរដ្ឋាភិបាលស្រមោល និងក្រុមប្រឆាំងវិញបានតវ៉ាថា វាជាការរំលោភបំពានលើកិច្ចខិតខំប្រឹងប្រែងដើម្បីសន្តិភាព។ នេះបើតាមការចុះផ្សាយដោយសារព័ត៌មានអន្តរជាតិធំៗ។