#រូបិយប័ណ្ណគ្រីបតូ

ធនាគារកណ្តាលរបស់ចិន បានចេញមកបញ្ជាក់ជាថ្មីថា រាល់សកម្មភាពប្រតិបត្តិការរូបិយប័ណ្ណឌីជីថល ឬគ្រីបតូទាំងអស់ជាអំពើខុសច្បាប់នៅក្នុងប្រទេសចិន ហើយបានព្រមានថា រូបិយប័ណ្ណឌីជីថល Stablecoins ពិតជាបង្កហានិភ័យហិរញ្ញវត្ថុខ្ពស់ណាស់ ហើយធនាគារកណ្ដាលចិន បានប្ដេជ្ញាបង្ក្រាបឱ្យកាន់តែតឹងរ៉ឹង។ ការព្រមាននេះធ្វើឡើង បន្ទាប់ពីកិច្ចប្រជុំដ៏សំខាន់មួយរវាងធនាគារកណ្ដាលចិន ជាមួយភ្នាក់ងាររដ្ឋាភិបាលចំនួន១៣ អំពីស្ថិរភាពហិរញ្ញវត្ថុចិន។ នេះបើយោងតាមការចុះផ្សាយរបស់គេហទំព័រ The Block កាលពីថ្ងៃទី២៩ ខែវិច្ឆិកា។