#​សេដ្ឋកិច្ច​ពិភពលោក

មេដឹកនាំនៃក្រុមប្រទេសមានសេដ្ឋកិច្ចរីកច្រើនខ្លាំងទាំង២០ប្រទេស ឬហៅកាត់ដោយខ្លីថា G20 ក្នុងជំនួបកំពូលនៅចុងសប្ដាហ៍មុននេះ បានសន្យាលើការការគាំទ្របន្ថែមទៀតដល់សេដ្ឋកិច្ចពិភពលោក តាមរយៈការគាំទ្រលើផែនការកំណត់ពន្ធអប្បបរមាជាសកល ដែលមានបំណងបញ្ឈប់ការលាក់ប្រាក់ចំណេញមិនបង់ពន្ធរបស់ក្រុមហ៊ុនរកស៊ីធំៗ។ ទន្ទឹមនឹងនេះ G20 ក៏បានសន្យាថា នឹងពន្លឿននិតីវិធីផលិត និងចែកចាយវ៉ាក់សាំងដល់ប្រទេសក្រីក្រ ស្របតាមគោលការណ៍របស់អង្គការសុខភាពពិភពលោកផងដែរ។ នេះបើតាមការចុះផ្សាយដោយសារព័ត៌មានអន្តរជាតិធំៗជាច្រើន។