#សេដ្ឋកិច្ចកម្ពុជា

សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាបានគូសបញ្ជាក់ថា មូលនិធិរូបិយវត្ថុអន្តរជាតិ (IMF) បានរួមចំណែកយ៉ាងសំខាន់ក្នុងការជួយជំរុញការអភិវឌ្ឍន៍សង្គម និងសេដ្ឋកិច្ចកម្ពុជា ពោលគឺស្ថាប័ននេះបានជួយប្រែក្លាយប្រព័ន្ធសេដ្ឋកិច្ចកម្ពុជាពីប្រព័ន្ធសេដ្ឋកិច្ចផែនការទៅជាប្រព័ន្ធសេដ្ឋកិច្ចទីផ្សារ និងជួយផ្តល់បច្ចេកទេស និងបណ្តុះបណ្តាលធនធានមនុស្សជាដើម។ លើសពីនេះស្ថាប័នហិរញ្ញវត្ថុដ៏ធំមួយនេះ ក៏បានជួយកម្ពុជាឱ្យរក្សាបាននូវស្ថិរភាពប្រព័ន្ធធនាគារ និងហិរញ្ញវត្ថុផងដែរ។