#ថៃនិងវៀតណាម

ថៃ និងវៀតណាមកំពុងប្រជែងគ្នាយ៉ាងប្រកៀកប្រកិតលើការនាំចេញអង្ករនៅកាន់ទីផ្សារអន្តរជាតិនៅឆ្នាំនេះ។ គ្រាន់តែនៅក្នុងរយៈពេល១១ខែប្រទេសក្បែរខាងកម្ពុជាទាំងពីរនេះអាចនាំចេញអង្ករបានរហូតដល់ជាង១៧លានតោន ក្នុងនោះថៃបាននាំមុខវៀតណាមប្រមាណ១លានតោន។ បើក្រឡេកមកមើលប្រទេសកម្ពុជាវិញ នៅក្នុងរយៈពេលគ្នានេះអាចនាំចេញអង្ករបានជាង៥៧ម៉ឺនតោន ដែលហាក់នៅឆ្ងាយពីគោលដៅ ដែលបានគ្រោងទុក៨០ម៉ឺនតោននៅក្នុងឆ្នាំ២០២៤ នេះ។ នេះបើយោងតាមការចុះផ្សាយរបស់សារព័ត៌មានធំៗជាច្រើន។