#ថ្កោលទោស

របបយោធាមីយ៉ាន់ម៉ាកាលពីថ្ងៃអាទិត្យ ២៧ សីហា បានបញ្ជាឱ្យមន្ត្រីរបស់ខ្លួនបណ្តេញតំណាងប្រេសិតកំពូលរបស់ប្រទេសទីម័រខាងកើតចេញពីប្រទេស ក្រោយមន្ត្រីការទូតនោះ បានជួបជាមួយរដ្ឋាភិបាលស្រមោលមីយ៉ាន់ម៉ា ដែលរបបសឹកចាត់ទុកជា «អង្គការភេរវកម្ម»។ ទោះយ៉ាងណា ក្រោយការប្រកាសបណ្តេញនេះ រដ្ឋាភិបាលទីម័រខាងកើតបានចេញសារថ្កោលទោសរបបសឹក និងបញ្ជាក់ជំហរថា ខ្លួនឈរជាមួយប្រជាជនមីយ៉ាន់ម៉ា និងជំរុញឱ្យរបបយោធាគោរពសិទ្ធិមនុស្ស ព្រមទាំងស្វែងរកដំណោះស្រាយបញ្ចប់ជម្លោះ។ នេះបើតាមការចុះផ្សាយដោយសារព័ត៌មានអន្តរជាតិធំៗ។