#ដំឡើងអត្រាការប្រាក់គោល

ធនាគារកណ្តាលប្រទេសថៃកាលពីថ្ងៃទី២៥ខែមករាឆ្នាំ២០២៣ បានសម្រេចដំឡើងអត្រាការប្រាក់គោល ០,២៥% បន្ថែមទៀត ពោលគឺធ្វើឱ្យអត្រាការប្រាក់សរុបឡើងដល់១,៥%។ នេះជាការដំឡើងអត្រាការប្រាក់គោល លើកទី៤ជាប់ៗគ្នាក្នុងរយៈពេល៦ខែមកនេះ ដើម្បីទប់ទល់នឹងអតិផរណាដែលនៅតែមានកម្រិតខ្ពស់ក្នុងប្រទេស។ ការដំឡើងអត្រាការប្រាក់គោលនេះ នឹងបន្តធ្វើឡើងបន្តិចម្តងៗ រហូតទាល់តែអតិផរណាធ្លាក់ចុះមកត្រឹមគោលដៅកំណត់របស់ធនាគារកណ្តាលថៃ ដែលត្រូវបានរំពឹងថានឹងសម្រេចឱ្យបាននៅត្រឹមចុងឆ្នាំ២០២៣នេះ។ នេះបើតាមការចុះផ្សាយរបស់កាសែតបាងកកប៉ុស្តិ៍។