#ដំណាំកៅស៊ូ

ទោះបីស្ថានភាពសេដ្ឋកិច្ចពិភពលោកកំពុងស្ថិតក្នុងភាពមិនប្រាកដប្រជាយ៉ាងណាក្តី តែទីផ្សារលក់ជ័រកៅស៊ូរបស់កម្ពុជា នៅឆ្នាំនេះ នៅតែរក្សាបានកំណើនវិជ្ជមានគួរឱ្យកត់សម្គាល់។ តួយ៉ាងតាមរបាយការណ៍របស់អគ្គនាយកដ្ឋានកៅស៊ូ នៅក្នុងរយៈពេល៨ខែកន្លងមកនេះ កម្ពុជា រកចំណូលបានជាង៤៦៨លានដុល្លារពីការនាំចេញជ័រកៅស៊ូ និងឈើកៅស៊ូទៅកាន់ទីផ្សារអន្តរជាតិ និងការផ្គត់ផ្គង់តម្រូវការប្រើប្រាស់ក្នុងស្រុក ដោយបានកើនឡើងជាង៤០% បើធៀបនឹងរយៈពេលដូចគ្នាកាលពីឆ្នាំមុន។