#វិបត្តិនៅភូមា-អាស៊ាន

មន្ត្រីការបរទេសសិង្ហបុរីនៅអំឡុងពេលផ្តល់បទសម្ភាសន៍ដល់ទីភ្នាក់ងារសារព័ត៌មានរ៉យទ័របាននិយាយចំៗថា ចំណាត់ការនិងដំណោះស្រាយដែលអាស៊ាន បាននិងកំពុងអនុវត្តនៅប្រទេសភូមា មិនមានប្រសិទ្ធភាពដូចការរំពឹងទុកនោះទេ ដោយហេតុថា បញ្ហានៅភូមា គឺជារឿងមួយលំបាក គួបផ្សំនឹងបញ្ហាកូវីដ១៩ កំពុងតែមានការរីករាលដាលធ្វើឱ្យប៉ះពាល់ដល់ប្រព័ន្ធសុខាភិបាលប្រទេសភូមាមួយនេះជាខ្លាំង។ ចាប់តាំងពីមានរដ្ឋប្រហារកាលពីខែកុម្ភៈដើមឆ្នាំនេះ សេដ្ឋកិច្ចភូមាបានដួលរលំបាក់ទាំងផ្ទាំង ហើយវិបត្តិមនុស្សធម៌ក៏កាន់តែអាក្រក់ទៅៗផងដែរនៅក្នុងរយៈពេលប៉ុន្មានខែចុងក្រោយនេះ។