#វិបត្តិថាមពល

ពិភពលោកកំពុងស្ថិតក្នុងកង្វល់ជាថ្មី ខណៈវិបត្តិថាមពលដែលបង្កឡើងដោយសង្គ្រាមនៅតំបន់មជ្ឈិមបូព៌ានាពេលនេះ ត្រូវបានគេព្យាករថា អាចនឹងជះឥទ្ធិពលអាក្រក់ដល់សេដ្ឋកិច្ចសកលលើសពីសម័យកាលរីករាលដាល នៃមេរោគកូវីដ-១៩ ទៅទៀត។ ទោះបីជាវិបត្តិនេះទើបតែអូសបន្លាយពេល១ខែក៏ពិតមែន ប៉ុន្តែការហក់ឡើង នៃតម្លៃប្រេង និងការខ្វះខាតការផ្គត់ផ្គង់បានធ្វើឱ្យអតិផរណាកើនឡើងខ្ពស់កប់ពពក បង្កជាអស្ថិរភាពសេដ្ឋកិច្ច ដែលពិបាកនឹងប៉ាន់ស្មានដល់។