#វិស័យកសិកម្ម

ផ្ទៃដីដាំថ្នាំជក់នៅក្នុងខេត្តត្បូងឃ្មុំ នៅឆ្នាំនេះ មានការកើនឡើងជាង៣០០ហិកតា បើធៀបនឹងឆ្នាំមុន បន្ទាប់ពីតម្លៃថ្នាំជក់មានការកើនឡើង ដែលបានផ្តល់ប្រាក់ចំណេញគួរសមដល់កសិករ។ ថ្នាំជក់កាលពីឆ្នាំមុនត្រូវបានឈ្មួញទិញក្នុងតម្លៃចន្លោះពីជាង១ម៉ឺនរៀលទៅ២ម៉ឺនរៀលក្នុង១គីឡូក្រាម។ កសិករដាំថ្នាំជក់សង្ឃឹមថា ទីផ្សារថ្នាំជក់នឹងមានស្ថិរភាពល្អប្រសើរដូចឆ្នាំមុន ខណៈបច្ចុប្បន្នមានឈ្មួញកក់ប្រាក់ទទួលទិញក្នុងតម្លៃខ្ពស់ជាងឆ្នាំមុនៗ។