#វិស័យថាមពល

ថ្នាក់ដឹកនាំជាន់ខ្ពស់អគ្គិសនីកម្ពុជា បានអះអាងថា បញ្ហាតម្លៃប្រេងឥន្ធនៈកំពុងឡើងថ្លៃ និងកង្វះថាមពលប្រើប្រាស់ជាសកលបានជះឥទ្ធិពលមួយចំនួនដល់ការផលិតថាមពលអគ្គិសនីនៅកម្ពុជា។ ប៉ុន្តែបញ្ហាទាំងនេះ មិនបានជះឥទ្ធិពលធ្ងន់ធ្ងរធ្វើឲ្យកម្ពុជាខ្វះខាតថាមពលអគ្គិសនីសម្រាប់ប្រើប្រាស់នោះទេ គ្រាន់តែមានការកើនឡើងថ្លៃដើម នៃការផលិតបន្តិចបន្តួចតែប៉ុណ្ណោះ។ ទោះបីថ្លៃដើមផលិតអគ្គិសនីនៅកម្ពុជាបច្ចុប្បន្ន មានការឡើងថ្លៃក៏ដោយ តែអគ្គិសនីកម្ពុជាក្រោមការសហការជាមួយរាជរដ្ឋាភិបាលកម្ពុជាមិនដំឡើងថ្លៃអគ្គិសនីនោះទេ។