#វិស័យដឹកជញ្ជូន

ធនាគារពិភពលោក បានគូសបញ្ជាក់ថា ប្រទេសកម្ពុជា អាចដើរតួនាទីដ៏សំខាន់នៅក្នុងការលើកកម្ពស់ពាណិជ្ជកម្ម និងការតភ្ជាប់ក្នុងតំបន់តាមរយៈការពង្រីកបណ្តាញផ្លូវដឹកជញ្ជូនជាមួយប្រទេសជិតខាង និងបំពេញតាមចក្ខុវិស័យរបស់ខ្លួនក្នុងការជំរុញការអភិវឌ្ឍការដឹកជញ្ជូនអន្តរមធ្យោបាយ។ ការលើកឡើងរបស់ធនាគារពិភពលោកនេះ ធ្វើឡើងនៅក្នុងរបាយការណ៍ថ្មីមួយរបស់ខ្លួនក្រោមចំណងជើងថា«ការតភ្ជាប់ក្នុងតំបន់នៅកម្ពុជា៖ ការទាញយកប្រយោជន៍ពីសក្តានុពលដ៏ពេញលេញនៃច្រករបៀងដឹកជញ្ជូន» ដែលចេញផ្សាយនាថ្ងៃទី២១ ខែវិច្ឆិកា ឆ្នាំ២០២៤នេះ។