ការចាប់ខ្លួនស្ត្រី៣នាក់នេះ ធ្វើឡើងបន្ទាប់ពីកម្លាំងនគរបាលឆ្មក់បង្ក្រាបសណ្ឋាគារមួយចំនួន នៅកណ្ដាលក្រុង ដោយរកឃើញស្ត្រីបម្រើផ្លូវភេទ ៤នាក់ កាលពីដើមសប្ដាហ៍នេះ។ នេះបើតាមការចុះផ្សាយរបស់សារព័ត៌មាន VN Express។
ស្ត្រីដែលផ្ដល់សេវាផ្លូវភេទទាំងនេះ ដែលនគរបាលឃាត់ខ្លួននៅក្នុងប្រតិបត្តិការបង្ក្រាបនេះ បានអះអាងថា ពួកនាងជាតារាបង្ហាញម៉ូដ និងតួកុនជើងថ្មី (ដែលមិនសូវល្បី) និងថា ពួកគេរួមភេទជាមួយភ្ញៀវក្នុងតម្លៃចាប់ពី ៧០០ ដុល្លារ ដល់ ២៥០០ដុល្លារ ក្នុងមួយម៉ូយ។
សេវាផ្លូវភេទនេះ គឺមានអ្នកគួកជេដឹកនាំយកទៅដល់សណ្ឋាគារ គឺស្ត្រីបីនាក់ដែលនគរបាលចាប់ខ្លួនខាងលើ។
តើអ្នកបានអានអត្ថបទនេះ ឬនៅ?
ស្ត្រីបីនាក់ដែលនគរបាលចាប់ខ្លួន បានសារភាពថា ពួកគេធ្វើជាអ្នករៀបចំកម្មវិធីសម្ដែងបង្ហាញម៉ូដ ហើយបានបញ្ចុះបញ្ចូលតារាម៉ូដែល និងតួកុនជើងថ្មី ដែលពួកគេធ្វើការជាមួយ ឲ្យព្រមរួមភេទជាមួយភ្ញៀវដើម្បីរកកម្រៃបន្ថែម។
ទិន្នន័យផ្លូវការបង្ហាញថា នៅក្នុងទីក្រុងហូជីមិញ មានស្រីពេស្យាប្រហែល ៣០០០នាក់។ ទីក្រុងហូជីមិញ បច្ចុប្បន្ន គេសង្កេតឃើញមានការកើនឡើងនូវពេស្យាកម្មបុរស ដែលពាក់ព័ន្ធនឹងជនបរទេស និងការលេចឡើងនូវរបរពេស្យាកាលីបខ្ពស់ ដែលពាក់ព័ន្ធនឹងនាងៗដែលអះអាងថាជាតួកុន ឬតារាម៉ូដែលជើងស្ទើរៗ៕
