ហ៊ុន គន្ធថៃ

បើតាមសេចក្តីថ្លែងការណ៍ព្រាងមួយពីកិច្ចប្រជុំកំពូលដែលបានចាប់ផ្តើមនៅថ្ងៃសៅរ៍ទី១៦ ឱ្យដឹងថា មេដឹកនាំប្រជាជាតិអាស៊ីអាគ្នេយ៍ និងជប៉ុននឹងយល់ព្រមជំរុញ«កិច្ចសហប្រតិបត្តិការសន្តិសុខដែនសមុទ្រ» ដើម្បីប្រឆាំងនឹងភាពតានតឹងដែលកំពុងកើនឡើងនៅសមុទ្រចិនខាងត្បូង។ ជប៉ុនដែលជាសម្ព័ន្ធមិត្តរបស់អាម៉េរិក និងកំពុងទាមទារសិទ្ធកាន់កាប់ដែនដីជាមួយចិន កំពុងបង្កើនការចំណាយយោធារបស់ខ្លួន ហើយបានជំរុញកិច្ចសហប្រតិបត្តិការសន្តិសុខនៅក្នុងតំបន់អាស៊ីប៉ាស៊ីហ្វិក រួមទាំងជាមួយកូរ៉េខាងត្បូង និងអូស្ត្រាលីផងដែរ។