ហ៊ុន គន្ធថៃ

ឧបទ្វីបគ្រីមៀដែលជាដែនដីរបស់អ៊ុយក្រែននៅមុនឆ្នាំ ២០១៤ តែក្រោយមកត្រូវបានកាន់កាប់ដោយរុស្ស៊ីនោះ ត្រូវបានរងការវាយប្រហារដោយយន្តហោះគ្មានមនុស្សបើក (ដ្រូន) ដែលគេសង្ស័យថាអាចជាដ្រូនរបស់អ៊ុយក្រែន។ នេះបើតាមការអះអាងរបស់អាជ្ញាធរក្នុងតំបន់គ្រីមៀ កាលពីថ្ងៃទី ២២ វិច្ឆិកា។ ភ្លាមៗ ក្រោយការវាយប្រហារនេះ កងទ័ពកងទ័ពជើងទឹកម៉ូស្គូនៅគ្រីមៀត្រូវបានប្រកាសឱ្យប្រុងជើងការក្នុងគ្រាអាសន្នខ្ពស់ ដើម្បីទប់ទល់នឹងការវាយប្រហារដែលអាចកើតមានជាបន្ដទៀត។ នេះបើតាមការចុះផ្សាយដោយសារព័ត៌មានអន្តរជាតិធំៗ។