សោម ស្រីពេជ្រ

ប្រធានសមាគមស្វាយចន្ទីកម្ពុជា បានអះអាងថា ទោះបីបាតុភូតអែលនីណូ ធ្វើឱ្យមានអាកាសធាតុក្តៅខ្លាំងបានគំរាមកំហែងដល់ទិន្នផលស្វាយចន្ទីឱ្យធ្លាក់ចុះក៏ពិតមែន ប៉ុន្តែមិនបានរារាំងដល់ការនាំចេញគ្រាប់ស្វាយចន្ទីរបស់កម្ពុជានោះទេ។ ជាក់ស្តែងនៅក្នុងរយៈពេល៥ខែដើមឆ្នាំ២០២៤នេះ កម្ពុជាបាននាំចេញគ្រាប់ស្វាយចន្ទីឆៅទៅកាន់ទីផ្សារវៀតណាម បានជាង៦៦ម៉ឺន៧ពាន់តោន មានការកើនឡើង៣៧% បើធៀបនឹងរយៈពេលដូចគ្នាកាលពីឆ្នាំមុន។ តើមានកត្តាអ្វីជួយជំរុញឱ្យការនាំចេញគ្រាប់ស្វាយចន្ទីឆៅរបស់កម្ពុជា ទៅទីផ្សារវៀតណាម មានការកើនឡើងខ្ពស់បែបនេះ?