សឿន វណ្ណឌេត

រដ្ឋមន្រ្តីក្រសួងសាធារណការ ឯកឧត្តមស៊ុន ចាន់ថុល រំពឹងគម្រោងផ្លូវនាវាចរណ៍ព្រែកជីកហ្វូណនតេជោភ្ជាប់រវាងទន្លេបាសាក់ជាមួយកំពង់ផែខេត្តកែប នឹងអាចបើកការដ្ឋានសាងសង់នៅឆ្នាំក្រោយ បន្ទាប់ពីគម្រោងនេះទទួលបានការអនុម័តពីគណៈរដ្ឋមន្ត្រី ហើយរាជរដ្ឋាភិបាលបានបង្កើតគណៈកម្មការអន្តរក្រសួង ដើម្បីជំរុញ និងពន្លឿនដំណើរការអនុវត្តគម្រោងជាប្រវត្តិសាស្ត្រមួយនេះ។ ជាមួយគ្នានេះ ឯកឧត្តមស៊ុន ចាន់ថុល ជឿជាក់ថា រាជរដ្ឋាភិបាលនឹងអាចស្វែងរកក្រុមហ៊ុន ដើម្បីបណ្តាក់ទុនក្នុងការអភិវឌ្ឍន៍គម្រោងនេះក្នុងពេលឆាប់ៗខាងមុខ។