ទេសចរណ៍

ទោះបីជារលកឆ្លងជំងឺកូវីដ-១៩នៅប្រទេសថៃកំពុងបក់បោកខ្លាំង រួមទាំងការឆ្លងរីករាលថ្មីនៅកោះភូកេតក៏ដោយ ក៏គម្រោងបើកកោះភូកេតទទួលទេសចរបរទេសនឹងនៅតែបន្តដំណើរការដដែល។ យ៉ាងណាខេត្តភូកេតនេះគ្រោងនឹងរឹតបន្តឹងវិធានការត្រួតពិនិត្យសម្រាប់អ្នកដំណើរជនជាតិថៃ ដោយតម្រូវឱ្យពួកគេបង្ហាញទាំងការធ្វើតេស្ត កូវីដ-១៩ (អវិជ្ជមាន) និងលិខិតបញ្ជាក់ការចាក់វ៉ាក់សាំង។ វិស័យទេសចរណ៍ថៃ គឺជាឆ្អឹងខ្នងដ៏សំខាន់មួយសម្រាប់ជួយទ្រទ្រង់សេដ្ឋកិច្ចពលរដ្ឋនៅកោះភូកេតនេះ ក៏ដូចជាសេដ្ឋកិច្ចថៃទាំងមូលផងដែរ។