Latest

ត្រឹមតែរយៈពេលប៉ុន្មានថ្ងៃប៉ុណ្ណោះទូរសព្ទបត់៣តង់ (Mate XT tri-fold) របស់ក្រុមហ៊ុនចិន ដ៏ធំ Huawei ទទួលបានការបញ្ជាទិញពីអតិថិជនជាមុនរហូតទៅប្រមាណ៣លានគ្រឿងឯណោះ ដែលជាចំនួនមួយដ៏ច្រើនគួរឱ្យភ្ញាក់ផ្អើល។ ជាមួយគ្នានេះក្រុមហ៊ុន Apple បានបញ្ចេញទូរសព្ទ iPhone 16 ដែលជាទូរសព្ទវ័យឆ្លាតមានបំពាក់ប្រព័ន្ធបញ្ញាសិប្បនិម្មិតបច្ចេកវិទ្យាខ្ពស់នៅដើមសប្តាហ៍នេះ ជាមួយក្តីរំពឹងទទួលបានការគាំទ្រច្រើនពីអតិថិជន។ ប៉ុន្តែជាអកុសល iPhone 16 នេះ នៅមានបញ្ហាបច្ចេកទេសបន្តិច ដោយសារបច្ចេកវិទ្យា AI មិនអាចប្រើប្រាស់ភាសាជប៉ុន និងភាសាចិនបាន។