នាយករដ្ឋមន្ត្រីជប៉ុន យកតួនាទីមកធានា ក្នុងការដោះស្រាយបញ្ហាអង្ករឡើងថ្លៃខ្ពស់
នាយករដ្ឋមន្ត្រីជប៉ុន លោក ស៊ីហ្កេរូ អ៊ីស៊ីបា (Shigeru Ishiba) សន្យាចាត់វិធានការចាំបាច់មួយចំនួន ដើម្បីកាត់បន្ថយតម្លៃអង្ករ ដែលបានកើនឡើងទ្…
នាយកប្រតិបត្តិក្រុមហ៊ុន Builder.ai លោក ម៉េនព្រីត រ៉េស្យា (Manpreet Ratia) បាននិយាយក្នុងបទសម្ភាសមួយកាលពីថ្ងៃពុធ សប្តាហ៍នេះថា ធនាគារ Viola Credit ដែលផ្តល់កម្ចីចំនួន៥០លានដុល្លារដល់ក្រុមហ៊ុនខ្លួនក្នុងឆ្នាំ២០២៤ បានរឹបអូសយកសាច់ប្រាក់ចំនួន៣៧លានដុល្លារពីគណនីរបស់ក្រុមហ៊ុន ប៉ុន្តែលោកមិនបានបញ្ជាក់អំពីហេតុផលច្បាស់លាស់សម្រាប់ការរឹបអូសនេះទេ។
បើតាមការអះអាងរបស់នាយកប្រតិបត្តិខាងលើ ក្រុមហ៊ុនខ្លួនដែលកំពុងធ្វើប្រតិបត្តិការនៅប្រទេសចំនួន៥ រួមមាន ចក្រភពអង់គ្លេស សហរដ្ឋអាម៉េរិក ឥណ្ឌា អេមីរ៉ាតអារ៉ាប់រួម និងសិង្ហបុរី នឹងដាក់ពាក្យសុំក្ស័យធនតាមនីតិវិធីរបស់ប្រទេសនីមួយៗ ហើយលោកនឹងបង្ខំចិត្តបញ្ឈប់បុគ្គលិកភាគច្រើនរបស់ក្រុមហ៊ុនផងដែរ។
លោកបានបន្តថា បច្ចុប្បន្នក្រុមហ៊ុនរបស់លោកនៅសល់ប្រាក់ក្នុងគណនីនៅប្រទេសឥណ្ឌាចំនួន៥លានដុល្លារ ប៉ុន្តែមិនអាចប្រើសម្រាប់បើកប្រាក់ឈ្នួលដល់កម្មករបានឡើយដោយសារការរឹតត្បិតលើការផ្ទេរប្រាក់ចេញពីប្រទេសមួយទៅប្រទេសមួយទៀត។ ចំនួនប្រាក់នៅសល់នេះបានបង្ហាញអំពីការធ្លាក់ចុះដ៏គួរឱ្យភ្ញាក់ផ្អើលសម្រាប់ក្រុមហ៊ុននេះ ដោយកាលពីពីរឆ្នាំមុនបានរៃអង្គាសថវិកាបានចំនួន២៥០លានដុល្លារដឹកនាំដោយអាជ្ញាធរវិនិយោគកាតាធ្វើឱ្យតម្លៃរបស់ក្រុមហ៊ុននេះឡើងដល់ជាង១ពាន់លានដុល្លារ ដែលជាចំនួនមួយដ៏ច្រើនបំផុត។
កំហុសឆ្គងដ៏ធំមួយរបស់ Builder.ai គឺការប្រញាប់ប្រញាល់ចាប់ផ្តើមអាជីវកម្ម AI តាមការសន្យារបស់ខ្លួន ដោយសារអ្នកវិនិយោគបានមើលឃើញភាពជោគជ័យរបស់ក្រុមហ៊ុនបច្ចេកវិទ្យាខ្នាតយក្សមួយចំនួនដូចជាក្រុមហ៊ុន OpenAI និងក្រុមហ៊ុន Anthropic ជាដើម៕
ដោយ៖ សុខ មង្គល
