តម្លៃមាសចាប់ផ្ដើមកម្រើកឡើងវិញ បន្ទាប់ពីបានដាំក្បាលចុះប្រមាណពីរសប្តាហ៍កន្លងមកនេះ
ក្រោយតម្លៃមាសបានដាំក្បាលចុះនៅពីរសប្ដាហ៍កន្លងមកនេះ ឥឡូវនេះតម្លៃមាសចាប់ផ្ដើមកម្រើកឡើងវិញហើយ ដោយគិតត្រឹមរសៀលថ្ងៃទី២០ ខែវិច្ឆិកា នេះ ហាងឆេង…
បើតាមអាជ្ញាធរ លោក Adani និងអ្នកជាប់ចោទ៧នាក់ផ្សេងទៀត រួមទាំងក្មួយប្រុសរបស់លោកផង គឺលោក Sagar Adani បានយល់ព្រមបង់ប្រាក់សំណូក ២៦៥ លានដុល្លារ ទៅឲ្យមន្ត្រីរដ្ឋាភិបាលឥណ្ឌា ដើម្បីទទួលបានកិច្ចសន្យា ដែលរំពឹងនឹងអាចរកបានប្រាក់ចំណេញ ២ពាន់លានដុល្លារត្រឡប់មកវិញ នៅរយៈពេល ២០ឆ្នាំ និងគម្រោងអភិវឌ្ឍន៍រោងចក្រថាមពលពន្លឺព្រះអាទិត្យដ៏ធំបំផុតរបស់ប្រទេសឥណ្ឌាផងដែរ។
រដ្ឋអាជ្ញាអាមេរិក ក៏បានបញ្ជាក់បន្ថែមដែរថា លោក Adani និងនាយកប្រតិបត្តិម្នាក់ទៀតនៅក្រុមហ៊ុន Adani Green Energy ដែលជាអតីតនាយកប្រតិបត្តិក្រុមហ៊ុន Vneet Jaain បានប្រមូលដើមទុនជាង ៣ពាន់លានដុល្លារ តាមរយៈប្រាក់កម្ចី និងលក់បណ្ណបំណុល ដោយលាក់បាំងអំពើពុករលួយរបស់ពួកគេពីអ្នកផ្ដល់កម្ចី និងអ្នកវិនិយោគ។
មកទល់ពេលនេះ ក្រុមហ៊ុន Adani Group មិនទាន់មានបកស្រាយជុំវិញបញ្ហានេះ ទៅកាន់អ្នកសារព័ត៌មានអន្តរជាតិធំៗនៅឡើយទេ ខណៈដែលស្ថានទូតឥណ្ឌាប្រចាំទីក្រុងវ៉ាស៊ិនតោនក៏មិនទាន់មានប្រតិកម្មឆ្លើយតបពាក់ព័ន្ធនឹងរឿងនេះដែរ។
លោក Gautam Adani រួមទាំងបក្សពួក ត្រូវបានចោទប្រកាន់ពីបទក្លែងបន្លំមូលបត្រ ការសមគំនិតក្លែងបន្លំមូលបត្រ និងការសមគំនិតក្លែងបន្លំតាមប្រព័ន្ធទូរគមនាគមន៍។ បន្ថែមពីនេះលោក Adanis ក៏ត្រូវបានចោទប្រកាន់នៅក្នុងសំណុំរឿងរដ្ឋប្បវេណីរបស់គណៈកម្មការមូលបត្រអាមេរិកផងដែរ។
បើតាមទស្សនាវដ្ដី Forbes ស្ថិតក្នុងវ័យ ៦២ឆ្នាំ បច្ចុប្បន្ន លោក Adani មានទ្រព្យសម្បត្តិសរុប ប្រមាណ ៧០ពាន់លានដុល្លារ និងជាមហាសេដ្ឋីមានជាងគេបំផុតលំដាប់ទី២ នៅឥណ្ឌា និងលំដាប់ទី ២២ នៅទូទាំងពិភពលោក។ តាមរយៈបទចោទប្រកាន់ដោយរដ្ឋអាជ្ញាអាមេរិកនេះ បានធ្វើឲ្យលោក Adani ក្លាយជាមហាសេដ្ឋីមួយរូបក្នុងចំណោមមហាសេដ្ឋីមួយចំនួនទៀត ដែលត្រូវបានចោទប្រកាន់ជាផ្លូវការនៅសហរដ្ឋអាមេរិកពីបទប្រព្រឹត្តខុសផ្នែកព្រហ្មទណ្ឌ៕
