ចិន អះអាងថា ខ្លួនកំពុងវាយតម្លៃលើសំណើសុំចរចាលើបញ្ហាពន្ធគយរបស់អាម៉េរិក
ហាយក្សចិន បានអះអាងនៅថ្ងៃសុក្រ ទី២ ខែឧសភា នេះថា សហរដ្ឋអាម៉េរិក ចង់ចរចាពន្ធគយបដិការជាមួយខ្លួនយ៉ាងខ្លាំង ហើយនេះជាសញ្ញាវិជ្ជមានដែលអាចឈានទ…
នេះបើតាមការចេញផ្សាយរបស់សារព័ត៌មាន The Strait Times។
ក្រុមហ៊ុន Apple ដែលផលិតទូរសព្ទ iPhone បានព្រមានថា ក្រុមហ៊ុននឹងបង្កើនការចំណាយលើការបង់ពន្ធកាន់តែច្រើននៅក្នុងត្រីមាសនេះ ដែលជាសញ្ញាមួយបង្ហាញថា ភាពតានតឹងផ្នែកភូមិសាស្ត្រនយោបាយកំពុងធ្វើឱ្យប៉ះពាល់ដល់អាជីវកម្មដ៏មានតម្លៃបំផុតនៅលើពិភពលោក។
នាយកប្រតិបត្តិក្រុមហ៊ុន Apple លោក ធីម ឃុក (Tim Cook) បាននិយាយនៅក្នុងសន្និសីទតាមទូរស័ព្ទមួយថា ក្រុមហ៊ុន Apple រំពឹងថា នឹងបង្កើនការចំណាយលើពន្ធរហូតដល់៩០០លានដុល្លារពោល គឺខ្ពស់ជាងការចំណាយលើពន្ធមុនៗទៅទៀត បើទោះជាប្រាក់ចំណូលនឹងកើនឡើងមួយភាគរយនៅក្នុងត្រីមាសនេះក៏ដោយ។
ទន្ទឹមនឹងនេះក្រុមហ៊ុនបច្ចេកវិទ្យាអាម៉េរិកមួយនេះ បានខកចិត្តជាខ្លាំងចំពោះការលក់នៅក្នុងប្រទេសចិន។ ការលក់របស់ទូរសព្ទរបស់ក្រុមហ៊ុននៅក្នុងប្រទេសចិនបានធ្លាក់ចុះ២,៣%មកនៅត្រឹម១៦ពាន់លានដុល្លារនៅក្នុងត្រីមាសទី១គិតត្រឹមថ្ងៃទី២៩ ខែមីនា ខណៈអ្នកវិភាគបានព្យាករកាលពីមុនថា វានឹងមានការធ្លាក់ចុះមកនៅត្រឹម១៦,៨ពាន់លានដុល្លារ។
ក្រុមហ៊ុន Apple បានបាត់បង់មូលដ្ឋាននៃចំណែកទីផ្សារនៅប្រទេសចិន ទៅលើក្រុមហ៊ុនផលិតទូរស័ព្ទក្នុងស្រុកមួយចំនួនដូចជា Huawei, Xiaomi និង Oppo ជាដើម ខណៈរដ្ឋាភិបាលចិនបានហាមឃាត់សម្ភារៈបច្ចេកវិទ្យាផលិតនៅបរទេសមិនឱ្យដាក់លក់លើទីផ្សារមួយចំនួន៕
ដោយ៖ សុខ មង្គល
