អ្នកជំនាញរំពឹងដំណើរទស្សនកិច្ចរបស់លោក ស៊ី ជីនភីង នឹងជួយស្រូបទាញវិនិយោគិនចិន ឱ្យមកបោះទុនវិនិយោគនៅកម្ពុជា កាន់តែច្រើន
បើមិនមានការប្រែប្រួលទេ លោក ស៊ី ជីនភីង ប្រធានាធិបតីចិននឹងមកបំពេញទស្សនកិច្ចនៅម្ពុជា ជាលើកទី២ នៅពាក់កណ្ដាលខែមេសា ឆ្នាំ២០២៥ នេះ។ ដំណើរទស្…
លោក ស៊ុយ កុកធាន ប្រធានសមាគមត្រចៀកកាំខ្មែរ បានប្រាប់សារព័ត៌មាន ខេមបូណូមីសថា មកទល់ពេលនេះ ពុំទាន់មានដំណឹងក្នុងការនាំចេញសម្បុកទឹកមាត់ត្រចៀកកាំកម្ពុជា ទៅកាន់ទីផ្សារចិន នៅពេលណានៅឡើយទេ ប៉ុន្តែអ្នកពាក់ព័ន្ធបានត្រៀមខ្លួនសហការរួចរាល់ និងរង់ចាំភាគីចិន ចុះហត្ថលេខាលើកិច្ចព្រមព្រៀងនាំចេញតែប៉ុណ្ណោះ។ តែយ៉ាងណា ប្រធានសមាគមត្រចៀកកាំខ្មែរ រំពឹងថា ការនាំចេញសម្បុកទឹកមាត់ត្រចៀកកាំ ទៅកាន់ទីផ្សារចិន ទំនងជាអាចសម្រេចបានក្នុងឱកាសប្រធានាធិបតីចិន លោក ស៊ី ជីនភីង មកបំពេញទស្សនកិច្ចនៅកម្ពុជា នាពាក់កណ្ដាលខែមេសា នេះ។
ជាមួយគ្នានេះ លោកស្រី វ៉ា សូជិន ប្រធានសមាគមអ្នកផលិត និងនាំចេញសម្បុកត្រចៀកកាំកម្ពុជា បានឱ្យដឹងថា មកទល់ពេលនេះសម្បុកត្រចៀកកាំខ្មែរពុំទាន់មានការនាំចេញស្របច្បាប់ទៅកាន់ទីផ្សារប្រទេសចិន នៅឡើយទេ និងកំពុងរង់ចាំការចុះអនុស្សរណៈនៃការយោគយល់គ្នា។ ស្របពេលលោក ស៊ី ជីនភីង ប្រធានាធិបតីចិន មកបំពេញទស្សនកិច្ចនៅកម្ពុជា នៅអំឡុងពាក់កណ្តាលនៅខែមេសា នេះ អ្នកជំនាញរូបនេះរំពឹងថា ការចុះអនុស្សរណៈនៃការយោគយល់គ្នាលើការនាំចេញសម្បុកទឹកមាត់ត្រចៀកកាំទៅទីផ្សារចិន ទំនងជាអាចកើតមានឡើង។
បើតាមការអះអាងរបស់ប្រធានសមាគមរូបនេះ កម្ពុជា មានសក្ដានុពលខ្ពស់ក្នុងការចិញ្ចឹមសត្វត្រចៀកកាំ ខណៈមកទល់ពេលនេះ ការចិញ្ចឹមត្រចៀកកាំនៅកម្ពុជា អាចមានក្នុងរង្វង់៧ពាន់ខ្នងអគារ ដែលអាចផ្តល់ផលទឹកមាត់ត្រចៀកកាំ បានប្រមាណ១០០តោនក្នុង១ឆ្នាំ៕
អត្ថបទ៖ បូ ដូឡា
