ការលក់ខុនដូនៅថៃ ធ្លាក់ចុះដល់កម្រិតទាបបំផុតមិនធ្លាប់មាននៅក្នុងរយៈពេល១៦ឆ្នាំកន្លងមកនេះ
ការលក់ខុនដូថ្មីៗនៅប្រទេសថៃ បានធ្លាក់ចុះដល់កម្រិតទាបបំផុតមិនធ្លាប់មាននៅក្នុងរយៈពេល១៦ឆ្នាំកន្លងមកនេះ ក្រោយនៅត្រីមាសទី២ឆ្នាំ២០២៥ ថៃ លក់ខុន…
តាក់ស៊ីហោះរបស់ក្រុមហ៊ុនចិន ចំនួនពីរម៉ូដែលដូចជា GOVY និង eVTOL ដែលអាចហោះបានកម្ពស់ពី១០០ ទៅ៣០០ម៉ែត្រ នឹងត្រូវបាននាំចេញទៅកាន់ក្រុមប្រទេសសមាជិក BRICS និងអេមីរ៉ាតអារ៉ាប់រួម នាពេលខាងមុខនេះ។ លោក ស៊ូ ជីងប៉េង (Su Qingpeng) ស្ថាបនិកក្រុមហ៊ុន GOVY បានបញ្ជាក់ថា រដ្ឋាភិបាលចិន បានផ្តល់សិទ្ធឱ្យក្រុមហ៊ុនខ្លួនអាចផលិត និងផ្គត់ផ្គង់តាក់ស៊ីហោះនៅឆ្នាំ ២០២៧ ខាងមុខនេះ។
មកទល់ពេលនេះ ក្រុមហ៊ុនដែលមានមូលដ្ឋាននៅប្រទេសអេមីរ៉ាតអារ៉ាប់រួម បានបញ្ជាទិញតាក់ ស៊ីហោះចំនួន៣៥០គ្រឿង ពីក្រុមហ៊ុន eVTOL ក្នុងតម្លៃប្រមាណ១ពាន់លានដុល្លារ។
បើតាមការអះអាងរបស់លោក ជីងប៉េង តាក់ស៊ីហោះរបស់ GOVY អាចហោះបានក្នុងល្បឿន១៣០គីឡូម៉ែត្រក្នុងមួយម៉ោង ខណៈប្រទេសសមាជិក BRICS និងអេមីរ៉ាតអារ៉ាមរួម អាចជាទីផ្សារដ៏មានសក្តានុពល។ លោកបានបន្តថា តាក់ស៊ីហោះនេះ អាចនឹងចាប់ផ្តើមធ្វើតេស្តសាកល្បងនៅក្វាងចូវ ក្នុងឆមាសទីពីរឆ្នាំនេះ ហើយតាក់ស៊ីនេះ សម្រាប់គោលបំណងពាណិជ្ជកម្មតែប៉ុណ្ណោះ មិនមែនសម្រាប់ប្រើប្រាស់ជាសាធារណៈនោះទេ៕
ដោយៈ សរ សុជាតិ
